Ульяна Захарова хаартыскаҕа түһэриитэ.
От ыйын 19 күнүгэр Хаҥалас оройуонуну биир кэлим диспетчерскэй сулууспатыгар Покровскай олохтооҕо дьахтар субуоннаан кэргэнэ сүппүтүн иһитиннэрбит.
Ол курдук ,от ыйын 17 күнүгэр Покровскай олохтооҕо мотуордаах оҥочонон Өлүөнэ өрүс устун Хоточчу нэһилиэгин диэки айаны туппут. Ол киэһэ кини төлөпүөн нөҥүө табаарыһыгар сибээскэ тахсан мунан хаалбытын, ханнык эрэ арыыга баарын туһунан иһитиннэрбит. Ити кэннэ сибээс быстан хаалбыт. Бу кэнниттэн сүппүт эр киһи кэргэнэ аймалҕан тардан көрдөөһүн саҕаламмыт. Эр киһини доҕотторо, аймахтара бары көрдөөбүттэр да, булбатахтар.
От ыйын 19 күнүгэр сүппүт эр киһи оҥочото Покровскайтан 8 км. тэйиччи баар арыыга көстүбүт. Ол эрээри эр киһи суола ханна даҕаны суох эбит. Дьон бу арыыны, онтон чугас эргини барытын кэрийэн көрдөөбүттэр да, эр киһини булбатахтар. От ыйын 20 кнүгэр бу арыыны уонча буолан кэрийэн көрдөөбүттэр. От ыйын 21 күнүгэр быыһыыр сулууспа үлэһиттэрэ кэлбиттэр. Олохтоох дьаһалтаны кытта сүбэлэһэн, мотуордаах оҥочо көстүбүт сирин үөрэтэн баран өрүс сүүрүгүн устун Бабалыкы-Арыы диэки көрдүүргэ сүбэлэспиттэр.
Күн бүгүнүгэр диэри сүппүт эр киһи көстө илик. От ыйын 22, 23 күннэригэр икки мотуордаах оҥочонон элбэх буолан кытыл тулатынан, квадрокоптер көмөтүнэн көрдөөбүттэр да булбатахтар.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…