Хаартыска: "Известия"
Иркутскай уобаласка бэнсиин тохтубутунан, бырабыыталыстыба бэрэссэдээтэлин бастакы солбуйааччы Дмитрий Садовников бэс ыйын 13 күнүгэр ыксаллаах быһыы-майгы кэмитиэтин мунньаҕын тэрийдэ уонна Өлүөнэ өрүскэ тохтоло суох кэтээн көрүүнү оҥорорго сорудахтаата. Салайар уорганнарга уонна «РСЧС» Саха сиринээҕи күүстэригэр «Үрдүк бэлэмнээх буолуу» эрэсиимэ биллэрилиннэ.
Ол курдук. Ленскэй куоракка СӨ Быыһыыр сулууспатын быыһааччылара ньиэп бородууктатын хомуйар тэриллэрин илдьэ бардылар. Кинилэр 2 устар ааллаахтар, 350 киилэ оборор сорбеннаахтар, 300 миэтэрэ уһуннаах хаайар, тутар анал күрүөлээхтэр.
Ленскэйдээҕи экологическай хонтуруол кэмитиэтэ уу боруобатын ыларга 3 бөлөҕү бэлэмнээтэ.
Дьокуускайдааҕы гидрометсулууспа үлэһиттэрэ сүүрүк түргэнин, өрүс өҕүллэрин учуоттаан, өрөспүүбүлүкэ сиригэр-уотугар уматык тохтубут бээтинэтэ быһа барыллаан 3-4 суукканан, бэс ыйын 15-16 күннэригэр кэлиэн сөп диэн билгэлээтилэр.
Киренскэй оройуонун Алексеевскай сэлиэнньэтиттэн Ленскэй оройуонун Витим бөһүөлэгэр диэри 415 килэмиэтир баар.
Бэс ыйын 12 күнүгэр Алексеевскай бөһүөлэгэр ЛОРП «Ерофей Хабаров» теплохода уонна «Алексеевская РЭБ» «ТР-901» теплохода харсыспыттара. ЛОРП танкера Осетрово пуордуттан Өлүөхүмэҕэ 835 туонна уматыгы илдьэн испит. Ол түмүгэр 182.5 туонна бэнсиин өрүскэ тохтубута. Тута оборторо, сорбеннарынан тохтото сатаабыттар эрээри, бэнсиин бээтинэтин сорҕото сүүрүгүнэн устан барбыт.
Ил Дархан, бырабыыталыстыба дьаһалтатын персс-сулууспата.
Арассыыйа норуодунай артыыската Вера Алентова 83 сааһыгар олохтон туораата. Бу туһунан РИА-Новости иһитиннэрэр. Вера Алентова…
Ааспыт сууккаҕа өрөспүүбүлүкэҕэ биэс буруйу оҥоруу буолбутун туһунан СӨ Борокуратуурата иһитиннэрэр. Дьокуускайга суотабай төлөпүөнү уорбуттар.…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
"Энтеромикс" вакцинаны чинчийии бастакы фазатыгар дозировкатын уонна тулуйумтуотун быһаарыахтара. Чинчийиини Арассыыйа доруобуйа харыстабылыгар министиэристибэтин Радиологияны…
СӨ Экологияҕа, айылҕаны туһаныыга уонна ойуур хаһаайыстыбатыгар миниистирэ Евгений Перфильев өрөспүүбүлүкэ акваторияларын ыраастааһыҥҥа баар былааннар…