Хаартыска: Өлүөнэ күргэтин дирекцията
Эргэ Табаҕа сэлиэнньэ олохтоохторугар куорат таһынааҕы нэһилиэнньэлээх пуун дьаһалтатыгар колсультациялар ыытыллаллар. Сирэй көрсүһүүлэргэ Эргэ Табаҕа сэлиэнньэтин олохтоохторо сир учаастактара Өлүөнэ күргэтин тутуутунан суол трассатыгар түбэспиттэринэн көһөрүллэрин туһунан быһаараллар.
Өлүөнэ күргэтин дирекциятыгар иһитиннэрбиттэринэн, бу күннэргэ 14 учаастак хаһаайына консультацияҕа сырытта. «Билигин 52 сир учаастагын ылыыга сөбүлэһии түһэрсилиннэ», — диэн дирекция салайааччыта Артем Артемьев иһитиннэрдэ.
Муоста тутуутугар бырайыактыыр-симиэтэлиир докумуонун быһыытынан 153 сир учаастага ылыллыахтаах, ол иһигэр тутуу эбийиэктэрдээх 80-тан тахса сир учаастага уонна 70- тан тахса кураанах сирдэр.
Күргэни тутуу зонатыгар култуура нэһилиэстибэтин эбийиэктэрин судаарыстыбаннай испииһэгэр киирбит биир да эбийиэги таарыйбат. Ол гынан баран, «ВИС» бөлөххө олохтоохтор туруорсууларынан улахан историческай сыаннастаах эбийиэктэри саҥа миэстэҕэ көһөрүү былааннарын үөрэтэллэр.
Бырайыагы олоххо киллэрии 2020 сыл олунньутугар илии баттаммыт Концессионнай сөбүлэһиигэ олоҕуран оҥоһуллар. Билиҥҥи кэмҥэ «ВИС» бөлөх Өлүөнэ эбэ икки кытылыгар тутуу үлэ тэриллэн, тирэҕин түһэрии үлэтэ ыытыллар.
Өлүөнэ күргэтин бары түһүмэҕинэн үлэтин түмүктэнэрэ РФ Бэрэсидьиэнэ Владимир Путин сорудаҕынан 2028 сыл бүтүөр диэри былааннанар.
Саха сиригэр ааспыт сууккаҕа саҥа ойуур баһаара турбута бэлиэтэммэтэ, умайа турааччылар бары бохсулуннулар диэн иһитиннэрдэ…
Алдан уонна Нерюнгри оройуоннарыгар ардах түһэрэ күүтүллэр, сорох сиринэн этиҥнэниэ, сөкүүндэҕэ 15-20 м түргэннээх тыалырыа.…
Арассыыйа бэрэсидьиэнэ Владимир Путин бэрэссэдээтэллээх Судаарыстыбаннай Сэбиэт Президиумун "Олоххо наадалаах инфраструктураны сайыннарыыга" аналлаах мунньаҕа ыытылынна.…
Ааспыт сууккаҕа өрөспүүбүлүкэҕэ буруйу оҥоруу алта түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай…
«Магнитнай буурҕа бүттэ, геомагнитнай индекстэр күөх зонаҕа төнүннүлэр», — диэн РНА Космическай билим-чинчийэр институтун Күн…
СӨ Ил Дархан иһинэн үлэлиир Инновационнай менеджмент үрдүкү оскуолатын үлэһитэ Александра Турантаева "Саха сирэ --…