Хаартыска: СИА
Өлүөнэ эбэни туоруур күргэни тутуута кыһын устата эмиэ салҕаныа.
Дойду Бэрэсидьиэнэ бырайыагы үбүлээһиҥҥэ федеральнай бүддьүөттэн үбү-харчыны биэрии болдьоҕун кылгатарга сорудахтаата. Бу туһунан «Саха» ВГТРК «Прямой разговор» биэрии кэмигэр Ил Дархан Айсен Николаев иһитиннэрдэ.
«Бу күннэргэ бырайыагы үбүлээһини түргэтэтэр туһунан Бэрэсидьиэн сорудаҕын ылбыппыт. Федеральнай үбүлээһин харчыта быйыл киириэ диэн эрэнэбит. Билиҥҥитэ тутуу биһиги партнердарбыт — «ВИС» уонна Сбербаан хампаанньалар бөлөхтөрүн суотугар ыытыллар. Ону тэҥэ өрөспүүбүлүкэ бүддьүөтүттэн аҕыйах суума харчы көрүллүбүтэ», — диэн Айсен Николаев дойду Бэрэсидьиэнэ ирдэбилинэн Өлүөнэ күргэтин бырайыага бары докумуоннарга ыйыллыбытын бэлиэтээтэ. Билигин өрүс икки кытылынан күргэни тутуу үлэтэ бара турар. Ил Дархан этэринэн, тутуу үлэтэ кыһыҥҥы кэмҥэ эмиэ салҕаныа.
«Кэлэр сылга үлэ былаан быһыытынан ыытыллыахтаах. Технолгическай хаамыытын сиһилии кэпсээбэппин эрээри, үлэтэ сүҥкэн. Ардыгар күргэ тутуута сыл иһигэр түмүктэнэр диэн санаалары ааҕабын. Өссө төгүл бэлиэтиибин, бу аан дойдуга тэҥнээҕэ суох ураты бырайыак», — диэтэ Айсен Николаев.
Омук сиригэр кэмпилиэктэммит оҥоһуктарын барытын дойдубут киэнигэр уларытан баран, Ту-214 сөмөлүөтү бэрэбиэркэлээн көрүү саҕаланна, диэн…
Сэбирдэҕэр гликозид арбутин, виннай, яблочнай, лимоннай органическай кислоталар, С витамин, альдегид о.д.а. иҥэмтэлээх эттиктэр бааллар.…
Бүгүн киин куоракка Казначейство саалатыгар “Саха сирин бастыҥ ювелирнай оҥоһуктара-2024” быыстапка аһылынна. Тэрээһин “Кыһын Саха…
Платон Алексеевич Ойуунускай аатынан Саха тыйаатыра 95 сыла туоларынан, алтынньы 17 күнүгэр Анемподист Иванович Софронов…
Мэҥэ Хаҥалас улууһун борокуратуурата Ростов уобалаһын уонна Хакасия Өрөспүүбүлүкэтин үс олохтооҕор холобунай дьыаланан буруйдааһын түмүгүн…
Тэрээһиҥҥэ Уһук Илини уонна Арктиканы сайыннарар министиэристибэ баһылыга Алексей Чекунков кытынна. Көрсүһүү кэмигэр выпускниктар соруктарын,…