Хаартыска: sakha.gov.ru ылылынна
Өлүөнэ өрүһү туоруур күргэ бырайыага Арассыыйа бэрэсидьиэнин Владимир Путин өйөбүлүн ылан, концессия услуобуйатыгар тутуллан эрэр.
Сүрүн судаарыстыбаннай эспэртиисэ управлениета үһүс түһүмэххэ сөптөөх түмүгү оҥордо. Суол тутуутун учаастагын уопсай уһуна 4049,25 м буолуоҕа. Икки балаһалаах суол нормативнай ирдэбиллэргэ эппиэттиэҕэ.
“Үһүс түһүмэх сүрүн соругунан, Өлүөнэни туоруур муоста сүрүн, иккис түһүмэҕин олохтоох суол ситимин кытта ситимниир сыалтан, бүтэһиктээх тутуу эргиирин оҥоруу буолар. Маны таһынан, муостаҕа чугаһыыр Леснай, Молодёжнай уулуссаларга уонна уулусса ситимин атын учаастактарыгар уопсай уһуннаах 788,22 м киирэр суоллары оҥоруохтара”, — диэн Арассыыйа кылаабынай судаарыстыбаннай эспэртиисэтин эспиэрэ Максим Котов бэлиэтээтэ.
Үһүс түһүмэххэ Хатыҥнаах үрэҕи туоруур муоста тутуута уонна тыаһы-ууһу харыстыыр экраннары туруоруу киирэр. Бу Эргэ Табаҕа нэһилиэгин олохтоохторун санитарнай-эпидемиологическай чөл туруктаах буолууларыгар ураты суолталааҕын эспиэр бэлиэтээтэ. Ону тэҥэ олохтоох ыраастыыр эбийиэктэри, уу ылар систиэмэни уонна атын инженернэй-техническэй өйөбүл эбийиэктэрин туруорууга үлэ былааннанар.
Өлүөнэ өрүһү туоруур муоста Эргэ Табаҕаттан Мэҥэ Хаҥалас Хаптаҕайыгар тиийэ тутуллар. Муоста үс федеральнай уонна биэс эрэгийиэннээҕи айан суолларын холбуоҕа.
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…
- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…
Арассыыйа бэрэсидьиэнэ Владимир Путин «Сахатранснефтегаз» национальнай ньиэп уонна гаас хампаанньатыгар тус махталын биллэрдэ. Туһааннаах дьаһал…
Саха Өрөспүүбүлүкэтин култууратын уонна духуобунай сайдыыга министиэристибэтэ уонна Хомус Аан дойдутааҕы түмэлэ тэрийиилэринэн, 2025 с.…