www.sakha.gov.ru
Саха сиригэр Өлүөнэ күргэтин тутуута түүннэри-күнүстэри тохтоло суох бара турар. Уһук Илин уонна Арктика зонатын тырааныспар ситимин сайыннарыыга стратегическай суолталаах бырайыак уустук килиимэт усулуобуйатыгар олоххо киллэриллэр. Тутууга ураты инженернэй быһаарыылар туһаныллаллар. Билигин эбийиэккэ 100-тэн тахса исписэлиис үлэлиир, диэн www.sakha.gov.ru суруйар.
«ВИС Строй» ХЭТ сүрүн инженера Михаил Самарчев иһитиннэрбитинэн, вантовай күргэ пилоннарын тутарга аналлаах, уҥа кытылга турар конструкция — 10-с коффердамы хомуйуу үлэтэ түмүктэнэн эрэр. Ону кытта тэҥҥэ, бу конструкцияны 2026 сыллааҕы навигацияҕа өрүс уутугар түһэрэргэ бэлэмнииллэр. Итиэннэ, киин пилон саамай бөдөҥ 9-с коффердамын хомуйуута саҕаланна.
Билигин бу конструкция билиитэлэрин уонна истиэнэлэрин бөдөҥсүтэн хомуйуу үлэтэ бара турар. Киин коффердам бырайыак саамай бөдөҥ элэмиэнэ буолар: кини диаметра 48 миэтэрэ кэриҥэ, оттон үрдүгэ – 17,5 миэтэрэ.
«Кыһын тутууну тохтоппот туһугар, биһиги тимир конструкциялары анал технологическай хаххаларынан бүрүйэбит, онно сыбаарка үлэтин технологията кэһиллибэтин наадатыгар сөптөөх температураны тутабыт. Технологията маннык: аан бастаан коффердам кураанах сиргэ хомуллар. Онтон өрүс уутугар түһэриллэр, тутуу флота тростарынан көтөҕөн ылан, бырайыагынан көрүллүбүт миэстэтигэр аҕалар. Ол кэннэ өрүс ортотугар кураанах сир үөскүүр, онно үүттүүр үлэни да, тирэх акылаатын чааһын, ригели уонна салгыы пилоннары тутары кыах үөскүүр. Өлүөнэ муостата Арассыыйа эрэ буолбакка, аан дойду күргэ тутуутугар биир саамай уустук бырайыактарыттан биирдэстэринэн ааҕыллар. Кини аан дойдуга холобура суох, оттон уһуннарар коффердамнар технологията – РФ туһаныллар биир бастыҥ технология буолар», — диэн Михаил Самарчев кэпсээтэ.
Сиһилии: https://www.sakha.gov.ru/news/19485
Холуобунай ирдэбил управлениетын оперативниктара уонна баан куттал суох буолуутун сулууспатын үлэһиттэрэ түөкүттэр уорбут харчыларын сорҕотун…
Быйыл биир кэлим эксээмэни туттарааччылар талар биридимиэккэ “былырыын бу идэҕэ маннык эксээмэннэр этэ, быйыл даҕаны…
Бүгүн, тохсунньу 30 күнүгэр, «Патриот» ыччат киинигэр Саха Өрөспүүбүлүкэтигэр патриотическай иитиигэ Анал ирдэбили оҥорууга анаммыт…
Нерюнгри оройуонун ИДьМ-тын отделын дьуһуурунай чааһыгар Нерюнгри куорат олохтооҕо тыллаабыт. Кини кыбартыыратын иһиттэн уопсайа 49…
Арктика улуустарыгар кыһыҥҥы суолларынан таһаҕаһы тиэйии тэтимэ үрдүүр. Бу туһунан бастакы вице-премьер Дмитрий Садовников салайааччылаах,…
Олунньу 1 күнүттэн Арассыыйаҕа социальнай төлөбүрдэри, туһанааччы быраабын көмүскээһини уонна баан эйгэтин таарыйар уларыйыылар күүстэригэр…