Хаартыска: sakha.gov.ru
Саха сиригэр дойду биир саамай бөдөҥ уонна технологическай өттүнэн уустук инфраструктурнай бырайыага – Өлүөнэ күргэтин тутуута күүскэ бара турар. Үлэ үгэннээн турар тоһуттар тымныылар да кэмигэр тохтообот. Өрүс икки кытылыгар сыл эргиччи тутууну хааччыйар бары оҥорон таһаарар инфраструктура тэрилиннэ.
Тутуу наадатыгар сыл ханнык баҕарар кэмигэр бетон оҥорон таһаарар уонна тиэрдэр кыахтаах, арктическай усулуобуйаҕа анаммыт бетон собуоттара үлэҕэ киирдилэр. Арматура каркаастарын оҥорор сыах, тиэхиньикэҕэ аналлаах икки ичигэс гараас уонна матырыйааллары харайар икки ичигэс ыскылаат тэрилиннилэр. Тутуу матырыйаалларын харайар өссө икки ыскылааты монтаажтааһын түмүктэнэн эрэр. Сайын эбийиэккэ 300-кэ киһи уонна 95 тиэхиньикэ үлэлээбитэ. Билиҥҥи кэмҥэ, дьыл кэмин учуоттаан, бары былаһааккаларга 180 исписэлиис уонна 20 тиэхиньикэ үлэлиир.
«ВИС Строй» ХЭУо кылаабынай инженерэ Михаил Самарчев бэлиэтээбитинэн, Өлүөнэ күргэтин тутуута кыһын, бэрт намыһах салгын температуратыгар эмиэ салҕанар.
«Тохсус коффердамы туруоруллар сиригэр бөдөҥсүтэн хомуйуу саҕаланна. Ону таһынан, билиҥҥи кэмҥэ логистиканы уонна матырыйаалы тиэрдиини хааччыйар сыалтан, уҥа кытылтан хаҥас кытылга диэри кыһыҥҥы оҥоруу үлэтэ барар. Тэҥниир араҥаны оҥоруу үлэтэ түмүктэннэ, салгыы тутуу тиэхиньикэтин үлэтигэр наадалаах таһаҕаһы көтөҕөр кыаҕын үрдэтэр сыалтан, эбии күүһүрдэр араҥаны тоҥоруу бара турар. Ону таһынан, үлэ ороскуотун аччатар уонна оҥорон таһаарыыны үрдэтэр кыахтаах анал эрийэр станокка арматура каркаастарын оҥоруу үлэтэ ыытыллар. Чахчы, намыһах температуралар бэйэлэрин хааччахтарын киллэрэллэр: анал технологическай сабыылары, ититэр систиэмэлэри, ону тэҥэ тутуу тиэхиньикэтин үлэлэтэр ураты ньымалары туһаныы ирдэнэр. Ол да буоллар, кыһын үлэни оҥоруу бары ирдэбиллэрин уонна технологияларын кытаанахтык тутустахха, монтаж үлэлэрин толору хаачыстыбата уонна эргиирэ хааччыллар», — диэн «ВИС Строй» ХЭУо кылаабынай инженерэ Михаил Самарчев бэлиэтээтэ.
Үлэлэр «Олоххо аналлаах инфраструктура» национальнай бырайыак чэрчитинэн толоруллаллар. Арассыыйа Бэрэсидиьэнэ Владимир Путин өйөбүлүнэн уонна дойду Бырабыыталыстыбатын быһаарыытынан Өлүөнэ күргэтэ быйыл «Олоххо аналлаах инфраструктура» национальнай бырайыакка киирэн, федеральнай үбүлээһини ылла. Сиһилии https://www.sakha.gov.ru/news/17235 саайтка ааҕыҥ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…