Хаартыска: «ВИС» бөлөх
«ВИС» бөлөх Өлүөнэ күргэтин тутуутугар эбии кыамтатын улаатыннарар. Эбэ уҥа кытылыгар тиэхиньикэни уонна үүттүүр тэрили тиэрдэр инниттэн Тамма үрэҕи туоруур паром сырыыта тэрилиннэ, диэн холдинг пресс-сулууспата иһитиннэрдэ.
«Уопсайа уҥа кытылга 19 тирэх тутуллуоҕа, ол анныгар 341 сыбаайа оҥоһуллуоҕа. Паром маршрута матырыйааллары уонна тиэхиньикэни түргэнник тиэрдэргэ кыах биэриэ, тутуу үлэтин хааччыйыа», — диэн иһитиннэриигэ этиллэр.
Билигин уҥа кытылга иккис бетон собуотун таҥыыта түмүктэнэн эрэр. Үлэ хаҥас кытылга эмиэ ыытыллар, онно тутуу хаамыытын атырдьах ыйын 11 күнүгэр РФ Тырааныспарга министиэристибэтин Научнай киинин дириэктэрэ Артур Романенко сыаналаата. Саха сиригэр үлэтин сырыытын чэрчитинэн, технологическай былаһааккалартан биирдэстэригэр сырытта.
«Манна кутуллар сыбаайаларга аналлаах арматура каркастарын оҥоруу тэриллибит – бүгүҥҥү күҥҥэ 920-тэн 471-э бэлэм, бу уопсай кээмэйиттэн 50%-тан тахса. Ону сэргэ, номнуо бетоннаммыт сыбаайалар бырайыагынан көрүллүбүт таһымҥа тэҥниир уонна онно күргэ тирэхтэрин оҥорор инниттэн көдьүүстээх үлэ ыытыллар. Стапельгэ киин коффердам панелларын бөдөҥсүтэн хомуйуу бара турар – бу үрэх сүнньүгэр үлэлииргэ көрүллүбүт үс тутууттан иккиһэ буолар», — диэн холдинга кэпсээтилэр.
Өлүөнэ эбэни туоруур күргэни тутуута аныгы Арассыыйа биир саамай уустук инфраструктурнай бырайыага аан дойду уопутугар холобура суох усулуобуйаҕа ыытыллар. Бырайыак концессия быһыытынан олоххо киирэр, оттон үбүлээһинэ федеральнай, өрөспүүбүлүкэтээҕи бүддьүөттэртэн уонна чааһынай үп-харчы киллэриититтэн холбоон хааччыллар. «ВИС» бөлөх бырайыак инвестора уонна концессионера буолар.
Саха сирин 11 тыһыынчаттан тахса олохтооҕо МАХ национальнай мессенджерга чат-бот нөҥүө «Мин докумуоннарым» киинигэр (МФЦ)…
Олунньу 17 күнүгэр күүтүллэр Күн өлүүтэ Арассыыйа сиригэр-уотугар көстүө суоҕа. Бу туһунан Москватааҕы планетарий пресс-сулууспата…
Ытык Күөлгэ Норуот айымньытын дьиэтигэр улуустааҕы төрөппүттэр түмсүүлэрин тэрийиитинэн "Родные-Любимые" пуорум ыытылынна. Бу пуорум биһиги…
Бүлүү улууһун борокуратуурата 85 саастаах дьахтар кыыһын сайабылыанньатынан аҕам саастаах олорор дьиэҕэ бырааба тутуһуллуутун бэрэбиэркэлээтэ.…
Арассыыйаҕа былырыын иккис ырыынакка кытай массыыналарын атыыта икки төгүл үрдээбитэ бэлиэтэммитэ. Итиниэхэ ордук 2021-2025 сыллардааҕы…
Дьокуускай куорат борокуратуурата 1997 с.т. олохтоох киһиэхэ сыһыаннаах холуобунай дьыалаҕа буруйдуур түмүгү бигэргэттэ диэн Саха…