Хаартыска: sakha.gov.ru
Саха сиригэр “ВИС” Бөлөх олоххо киллэрэр инфаструктуратын бырайыактарыттан биирдэстэрэ Бүтүн Арассыыйатааҕы 100+ Awards инженернэй-архитектурнай бириэмийэтин кыайыылааҕынан буолла. Өлүөнэ муостата “Лучшее конструктивное решение – объект транспортной инфраструктуры” номинацияҕа тигистэ. Бу туһунан хампаанньа пресс-сулууспата иһитиннэрэр.
Наҕараадалааһын сиэрэ-туома архитектура, тутуу уонна девелопмент эйгэтигэр бөдөҥ бэлиэ түгэҥҥэ – Норуоттар икки ардыларынааҕы XII пуорум уонна 100+ TechnoBuild быыстапка үөрүүлээх чааһын чэрчитинэн ыытылынна.
Өлүөнэ муостатын бырайыагын “Институт Гипростроймост – Санкт-Петербург” АУо бырайыактааччы бириэмийэҕэ түһэрбит. Институт Саха Өрөспүүбүлүкэтин айылҕа уустук услуобуйатыгар сөп түбэһэр муоста ураты тутулун (конструкциятын) торумнаабыт. Тутулла турар эбийиэк вантовай ситиэмэ курдук бырайыактаммыт, ону 194,5-тан 284,5 миэтэрэҕэ тиийэ үрдүктээх 3 пилон тутуоҕа. Муоста уһуна 4,6 км, оттон икки подъезтаах массыына суолун уһуна -14,5 км.
“Инженерный Оскар” диэн ааттыыр 100+ Awards бириэмийэ бэһис төгүлүн ыытыллар. Быйыл куонкуруска Арассыыйа 12 эрэгийиэниттэн 206 сайаапка киирбит, итинтэн шорт-илиискэ 96 бырайыак. Уопсайа 19 номинациялаах, ол иһигэр үс саҥа. Кыайыылаахтары эспиэртэр жюрилара талбыт, онно архитектордар, инженер-конструктордар, BIM ПО оҥорооччулар уонна былаас уорганнара киирэллэр.
Өлүөнэ эбэни туоратар муостаны тутуу Саха сирин Бырабыыталыстыбатын уонна “ВИС” Бөлөх икки ардыларыгар түһэрсиллибит концессионнай сөбүлэһиинэн олоххо киллэриллэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сиһилии: https://www.sakha.gov.ru/news/13017
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…
Амма улууһун ИДьМ отделениетын үлэһиттэрэ үгэс быһыытынан «Полицейский Дед Мороз» диэн Бүтүн Арассыыйатааҕы аахсыйаҕа кыттыстылар.…
Үөһээ Бүлүү улууһугар 2025 сылга байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥоруу бүттүүн…
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…
В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ…