Хаартыска: Андрей Сорокин, СИА.
Дьокуускайга Покровскайдыыр тыраагы кэҥэтэр үлэ салҕанар. 2025 сылга Өлүөнэ муостатыгар киирэр суоллары оҥоруу саҕаланыаҕа. Бу туһунан Айсен Николаев Ил Түмэҥҥэ Туһаайыы суругар иһитиннэрбитэ.
«2020 сыллааҕы Туһаайыы сурукпар Дьокуускай хоту өттүгэр Сатал уонна Марха түөлбэлэрин уонна соҕуруу өттүгэр Хатас уонна Табаҕа сэлиэнньэлэрин аттыларыгар баар кыараҕас суоллары суох оҥорору сорудахтаабытым. Билигин Нам уонна Умнас трассаларыгар түөрт балаһанан айанныыллар, ортотунан араарар балаһалаахтар, сырдатар уоттаахтар. “Покровскайдыыр тыраагы Эргэ Табаҕаҕа диэри кэҥэтэр үлэ уонна Өлүөнэ муостатыгар киирэр суолу оҥоруу хайаан да салҕаныахтаахтар”, — диэтэ Айсен Николаев.
Оччотугар маннык эбийиэктэр таарыллаллар: Чернышевскай уулуссатын саҥаттан уларытан оҥорууга Краснояров уулуссатыттан Покровскайдыыр тыраакка, Михаил Николаев проспегын – Чернышевскай – Красильников быһа охсуһар сирдэригэр диэри.
Чернышевскайтан ГИБДД поһугар диэри Покровскайдыыр тыраагы уларытан оҥоруу диэҥҥэ бу уулуссалары барыларын түөрт балаһалаах гына кэҥэтии киирэр.
«Умнас» эрэгийиэннээҕи суолу Владимировка сэлиэнньэтиттэн Табаҕа өҕүллүүтүгэр диэри түөрт балаһалаах гына саҥаттан уларытан оҥоруу салҕанар.
Өлүөнэ муостата үс федеральнай уонна биэс эрэгийиэннээҕи суоллары ситимнээн, “Бүлүү”, “Лена” уонна “Халыма” федеральнай суолларынан таһаҕаһы таһыыны уонна пассажирдары тиэйиини күүһүрдэр сүрүн инфраструктурнай бырайыагынан буолуоҕа. Новосибирскайтан, Красноярскайтан уонна Сибиир атын куораттарыттан таһаҕас таһар тырааныспар суолун тыһыынчанан килэмиэтиринэн кылгатыаҕа. Төгүрүк сылы эргиччи үлэлиир тырааныспар ситимэ киирдэҕинэ, өрөспүүбүлүкэҕэ таһаҕаһы тиэрдии болдьоҕо кыччыаҕа итиэннэ тиэйии ороскуота чэпчиэҕэ.
Муоста сууккаҕа 5300 массыынаны аһардар кыахтаах икки балаһалаах буолуоҕа. Бу сүҥкэн инженернэй тутуу Арассыыйа бэрэсидьиэнэ Владимир Путин сорудаҕынан адьас кылгас кэм иһигэр – 2028 сыл бүтүөр диэри тутуллуохтаах.
Бу күннэргэ Өлүөнэ Эбэҕэ үлэ саамай суолталаах уонна көдьүүстээх көрүҥэ –мууһу эрбээһин уонна хараардыы ыытылла…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Өрөспүүбүлүкэ арҕаа өттүгэр, күнүс соҕуруу…
Чукотка автономнай уокуругар Баимскайдааҕы хайа байытар кэмбинээтин тутуу саҕаланна. Баимскайдааҕы ГОК тутуутун хаамыытын РФ Бырабыыталыстыбатын…
Күн оройо буола оҕуста. Сотору кэминэн улахан оҕолоро оскуолаттан кэлиэхтэрэ. Аҕалара эбиэттии кэлиэ. Бэйи эрэ,…
Ил Дархан Айсен Николаев Аҕа дойду Улуу сэриитин кыттыылааҕар Николай Иванович Афанасьевка "Саха Өрөспүүбүлүкэтин бочуоттаах…
Улуу Кыайыы өрөгөйдөөх күнүгэр Ийэ дойдуларын көҥүлүн күөннэринэн хаххалаан көмүскээбит, итии хааннарын тохпут буойун суруналыыстар…