Өлүөнэ муостатын сыбаайалара түстүлэр

Саха сиригэр стратегическай суолталаах Өлүөнэ муостатын сыбаайаларын туруоруу төһө да тымныы халлаан турдар салҕанар.

Эбэ хаҥас биэрэгэр 53-с сыбаайаны  бетоннааһын үлэтэ түмүктэннэ.  ВИС бөлөх иһитиннэрбитинэн, 54 арматура каркаһа бэлэмнэммит.  Маны сэргэ, тутуу тиэхиньикэтигэр аналлаах гараас тутуллан бүппүт.  «Стальмост» диэн Тюмень собуотугар билигин сыбаайа тирэҕин оҥорорго 1473  туонна металлоконструкция оҥоһуллубут. Уопсайа 4521 туоннаттан 1473 оҥоһуллубут, 300 туонна Саха сиригэр ыытыллыбыт.

Өлүөнэ муостатын тутуу биир сүрүн инфраструктурнай бырайыак буолар. Кини үс федеральнай, биэс эрэгийиэннээҕи суолу ситимниэҕэ. Бу тутуу Новосибирскайтан кэлэр таһаҕас тиэйиитигэр көмөлөөх буолуоҕа. Муоста суолунан сууккаҕа быһа холоон  5300 массыына айанныаҕа.