Өлүөнэ муостатын тутааччылар Өлүөнэ уҥа кытылыгар үүттүүр үлэлэри саҕалаатылар

Тутууга 150 киһи уонна 55 тиэхиньикэ үлэлииллэр.

Саха сиригэр Өлүөнэ муостатын тутааччылар Хаптаҕай сэлиэнньэтин оройуонугар Өлүөнэ эбэ уҥа кытылыгар үүттүүр үлэлэри саҕалаатылар.

ВИС Бөлөҕө Өлүөнэ муостатын уҥа кытылынааҕы эстакадатын тирэхтэрин фундаменыгар үүттүүр үлэлэри саҕалыырга технологическай былаһаакканы бэлэмнээтилэр. Билигин 29-с тирэххэ үүттүүр сыбаайаҕа скважинаны үүттүүллэр. Үлэлэри “Росдорнии” ФАУ тутууну хонтуроллуур. Манна бырайыак ааптара – “Институт Гипростроймост – Санкт-Петербург” АУо кыттар.

Өлүөнэ муостатын тутууга 150 киһи уонна 55 тиэхиньикэ кытталлар. Саха сириттэн бэдэрээтчиттэри үлэлэтэллэр.

Уопсайа бырайыак быһыытынан уҥа кыттыллааҕы эстакадаҕа 341 сыбаайаҕа 17 тирэҕи туруоруохтара, муҥутуур уһуна — 39,5 м , диаметра –1,5 м. Онно производственнай усулуобуйаҕа 3 №-дээх технологическай былаһааккаҕа 70 тахса армокаркаас бэлэмнэниэҕэ.

Өлүөнэ муостата – аныгы Арассыыйаҕа саамай киэҥ хабааннаах инфраструктура бырайыага. Бу Саха Өрөспүүбүлүкэтин Бырабыыталыстыбатын уонна “ВИС” Бөлөҕүн икки ардыларыгар концессия көрүҥүнэн олоххо киллэриллэр, Сбер Арассыыйа баана бырайыагы үбүлүүргэ партнерунан буолар. Концессионнай сөбүлэһии быһыытан бырайыактааһын, тутуу уонна муостаны тэхиньиичэскэй туһаныы ыытыллыахтаах.

СИА

Хаарытска: СИА