Өлүөнэ муостатын тутааччылар көмүөлгэ бэлэмнэнэллэр

Өлүөнэ өрүскэ муус устуута быйыл хас да күн эрдэлээн күүтүллэринэн,  муостаны тутуу кыраапыгар көннөрүүлэри киллэрдилэр. Билигин сүрүн күүс улахан уу кэлэригэр бэлэмнэниигэ туһуланар. Бу туһунан «ВИС» бөлөх иһитиннэрэр.

Муоста тирэхтэрин туруорууга сири дьөлүү үлэтэ тохтотуллубут, уу ылыан сөптөөх сирдэртэн тиэхиньикэ таһаарыллыбыт. Бүгүҥҥү күҥҥэ тутааччылар хаҥас кытылга 3 тирэххэ, уҥа өттүгэр 6 тирэххэ 71 сыбаайалары туруордулар. Халаан ааспытын кэннэ, бу үлэлэри салҕыырга 153 арматура каркааһа бэлэмнэммит. Уопсайа 26 муоста тирэхтэригэр 920 сыбаайа, онтон 412-тэ өрүс түгэҕэр баар үс пилоҥҥа туруоруллуохтаах.

Хаҥас кытылга баар технологическай учаастакка, сир анныгар тимир конструкциялары туруоруу уонна коффердамҥа тимир конструкциялары хомуйуу салҕанар. Бу өрүс түгэҕэр үлэлииргэ анаан оҥоһуллубут  элбэх туонналаах үс тутуутттан бастакылара. 17,52 м үрдүктээх уонна 36 м кэтиттээх тимир “буочуканы” от ыйын ортотугар, Өлүөнэҕэ иккис уу үрдээһинэ күүтүллэр кэмигэр, бүтэрэргэ былаанныыллар.

Арассыыйаҕа аан бастаан муоста тутуутугар маннык ньыма  туттуллуоҕа, онон гидрологияны уонна сир геологическай уратыларын өр сылларга кэтээн көрүүгэ олоҕурбута. Билигин коффердамнар туруоруллар сирдэригэр өрүс түгэҕин дириҥэтии үлэтэ бара турар.

Бары тутуу эбийиэктэригэр VIS Group 200 киһини уонна 40 тиэхиньикэни үлэлэтэр.

Сиһилии: https://www.sakha.gov.ru/news/3808