Өлүөнэ муостатын тутааччылар муус ааһыытыгар уонна халаан уутугар бэлэмнэнэллэр

Саха сиригэр Өлүөнэ муостатын тутуу үлэтэ салҕанар. Муус ааһыытын уонна халаан уутун көрсө тутуу инфраструктуратын харыстааһыҥҥа тэрээһин үлэлэр ыытыллаллар. Ол курдук ууга барыан сөптөөх тиэхиньикэлэри таһаарыы буолла. Бу туһунан «ВИС» бөлөх иһитиннэрдэ.

Хаҥас биэрэккэ н2№-дээх былаһааккаҕа сир болотунатын үлэтэ түмүктэннэ, онон муус ааһар да кэмигэр үлэ барар кыахтаммыт. Манна тимир конструкцияны таҥааһын үлэтэ саҕаламмыт. Барыта холбоон 663 туонна тимиртэн 200-һэ оҥоһуллубут.

«ВИС» бөлөх концессионнай бырайыагын чэрчитинэн Илиҥҥи-Хаптаҕай боротуокатын даамбата оҥоһуллар. Билиҥҥи туругунан тутааччылар тимир-бетон билиитэлэри ууран бөҕөргөтүү, чиҥэтии үлэтин ыыталлар уонна щебеночнай хаттыгаһы халыҥаталлар.

Онон муоста тутуутун үлэтэ өрүс икки биэрэгэр ыытыллар турар.

Өлүөнэ муостатын тутуу СӨ Бырабыыталыстыбатын уонна «ВИС» бөлөх концессионнай бырайыагынан буолар.