Хаартыска: Елена Потоцкая.
Суруналыыстар бөлөхтөрө Өлүөнэ муостатын тутуутун сырдатыы чэрчитинэн Эргэ Табаҕаттан тэйиччи турар «ВИС» бөлөх тутууну ыытар сүрүн баазатыгар сырыттылар.
Манна салалта сүрүн офиһа, үлэһиттэр олорор дьиэлэрэ бааллар, тутуу матырыйаалын таҥыы үлэтэ ыытыллар былаһаакката, ыарахан уйуктаах тиэхиньикэ гарааһа тураллар.
— Бу учаастакка тутууга аналлаах каркаастары бэлэмниибит. Үлэһиттэрбит манна олороллор, аһыыллар, мантан сүрүн үлэлэринэн тарҕаһаллар. Онон үлэ бириэмэтин көдьүүстээхтик туһанар инниттэн производственнай баазаны манна оҥорбуппут, — диэн кэпсиир тутуу дириэктэрэ Антон Крупнов.
Суунар-тараанар хосторо киэҥ-куоҥ, ып-ыраас. Онон үлэһиттэргэ бэртээхэй усулуоубйа тэриллибит.
Тутууга үлэлиир дьон уопсай дьиэлэрэ, аһыыр сирдэрэ тус-туспа турар. Симиэнэн үлэлиир буолан, сорох дьон сынньалаҥнарын кэмэ эбит.
Бэйэ-бэйэлэрин солбуйсан үлэлиир буолан, бэрээдэк кытаанах.
Уопсай дьиэ иһигэр-таһыгар табахтыыр көҥүллэммэт. Дьиэттэн тэйиччи аһыыр остолобуойдара турар.
Производственнай учаастакка билигин да үлэ бара турар. Манна эбии тутууну ыытар салайааччыларга уонна үлэһиттэргэ аналлаах үлэ хаамыытын тэрийэргэ сөптөөх дьоҕус дьиэлэр тутулла тураллар.
… Ити курдук, Өлүөнэ муостатын тутуута хайдах баран иһэрин, тутааччылар бырайыак сүрүн түһүмэхтэрин түмүктүүр соруктаах үлэлииллэрин, үлэ-хамнас тэтимнээҕин илэ көрөн, суруналыыстар астынан тарҕастыбыт.
Саха сирин 11 тыһыынчаттан тахса олохтооҕо МАХ национальнай мессенджерга чат-бот нөҥүө «Мин докумуоннарым» киинигэр (МФЦ)…
Олунньу 17 күнүгэр күүтүллэр Күн өлүүтэ Арассыыйа сиригэр-уотугар көстүө суоҕа. Бу туһунан Москватааҕы планетарий пресс-сулууспата…
Ытык Күөлгэ Норуот айымньытын дьиэтигэр улуустааҕы төрөппүттэр түмсүүлэрин тэрийиитинэн "Родные-Любимые" пуорум ыытылынна. Бу пуорум биһиги…
Бүлүү улууһун борокуратуурата 85 саастаах дьахтар кыыһын сайабылыанньатынан аҕам саастаах олорор дьиэҕэ бырааба тутуһуллуутун бэрэбиэркэлээтэ.…
Арассыыйаҕа былырыын иккис ырыынакка кытай массыыналарын атыыта икки төгүл үрдээбитэ бэлиэтэммитэ. Итиниэхэ ордук 2021-2025 сыллардааҕы…
Дьокуускай куорат борокуратуурата 1997 с.т. олохтоох киһиэхэ сыһыаннаах холуобунай дьыалаҕа буруйдуур түмүгү бигэргэттэ диэн Саха…