Сайаана Львова хаартыската
Федерация Сэбиэтин сүбэ мунньаҕын кэнниттэн Федерация Сэбиэтин федеративнай тутулга, эрэгийиэннээҕи бэлиитикэҕэ, олохтоох салайыныыга уонна хотугу сир дьыалаларыгар кэмитиэтин бэрэссэдээтэлэ Андрей Шевченко, Ил Түмэн бэрэссэдээтэлэ Алексей Еремеев уонна СӨ Бырабыыталыстыбатын Бэрэссэдээтэлин бастакы солбуйааччы Кирилл Бычков суруналыыстары кытары көрсөн көһө сылдьар мунньах түмүгүн таһаардылар.
Андрей Шевченко ааспыт сылга Федерация Сэбиэтинэн ылыллыбыт дьаһал кэнниттэн өрөспүүбүлүкэҕэ киэҥ хабааннаах улахан үлэ оҥоһуллубут диэн бэлиэтээтэ.
«Оттон бүгүн биһиги бу дьаһаллар толору олоххо киирэллэригэр харгыстыыр кыаллыбат кыһалҕалары дьүүллэстибит. Мин саныахпар, ханнык баҕарар улахан дьыалаҕа маннык баар. Бүгүн мунньахха биһиги өрөспүүбүлүкэ хамаандата сүҥкэннээх үлэни оҥорбутун бэлиэтээтибит. Уураахха киирбит эбийиэктэри олоххо киллэриигэ араас бырагырааманан үбүлээһиҥҥэ сайаапка оҥоһуллубут. Саамай кылаабынай эбийиэк – Өлүөнэ муостата тутулларыгар улахан үлэ оҥоһуллубут. Алтынньы-сэтинньи ыйдарга «Главгосэкспертиза» эспэртиизэтэ ааста даҕаны суумата чопчуланыа. Бырабыыталыстыба быһаарыыны ылынна, онон эбийиэк олоххо киириэҕэ. Бүгүн биһиги аһаҕастык барытын быһаарыстыбыт, көдьүүстээх мунньах ааста, онон мин эрэнэбин, уураах толоруо туолуоҕар», — диэтэ Федерация Сэбиэтин федеративнай тутулга, эрэгийиэннээҕи бэлиитикэҕэ, олохтоох салайыныыга уонна хотугу сир дьыалаларыгар кэмитиэтин бэрэссэдээтэлэ Андрей Шевченко.
Ил Түмэн бэрэссэдээтэлэ Алексей Еремеев Федерация Сэбиэтин уурааҕа биир сыл кэриҥэ бэлэмнэниллибитин билиһиннэрдэ.
«Докумуон ырытыллан оҥоһулларыгар олус улахан кэриҥнээҕэ. Манна мин этиэм этэ, хас биирдии уураах хас биирдии пууна ситэриилээх былаас федеральнай уорганнарын кытары сөбүлэһиллибитэ. Уураах күһүн хойутуу баттаммыт буолан, өрөспүүбүлүкэ 2023 сыллааҕы бүддьүөтүгэр киирэрэ уустук этэ. Ол эрээри сорох пууннары бүддьүөккэ киллэрэн, быйыл үлэ барар. Оттон сүрүн үлэ 2024-2026 сс. ыытыллыаҕа. Биһиги Федерация Сэбиэтигэр уонна Валентина Матвиенкоҕа тус бэйэтигэр, Өлүөнэ муостата тутулларыгар 50 % федеральнай бүддьүөттэн үбүлэнэригэр туруулаһан туруорсубутун иһин барҕа махталбытын этэбит», — диэн Алексей Еремеев эттэ.
Оттон СӨ Бырабыыталыстыбатын Бэрэссэдээтэлин бастакы солбуйааччы Кирилл Бычков Федеарция Сэбиэтин чилиэннэрэ Саха сирин хас даҕаны улууһугар, ол иһигэр Арктика оройуоннарыгар сылдьаннар, биһиги кыһалҕабытын, туруорсар боппуроустарбытын илэ харахтарынан көрдүлэр диэн эттэ.
«Билиҥҥи биһигини долгутар боппуруоһунан, бөдөҥ эбийиэгинэн Өлүөнэ муостата буолар. Биһиги Федерацяи Сэбиэтин көмөтүнэн бу эбийиэги тутуу суолугар турабыт. Өрөспүүбүлүкэ Бырабыыталыстыбатын уонна Ил Түмэн өттүттэн бу бырайыак бүддьүөттэн үбүлэниитин хонтуруоллуур сорук турар», — диэтэ Кирилл Бычков.
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…