Саха сирин баһылыга Айсен Николаев Федерация Сэбиэтигэр Арассыыйа киэҥ далааһыннаах стратегиятын саҥалыы сөргүтүү туһунан эппитэ, аан дойдуга атыы-эргиэн ситимэ уларыйа турар кэмигэр олус сөптөөх буолла диэн эспиэрдэр этэллэр.
Бу буола турар быһыыга-майгыга Саха сирин уонна Уһук Илин атын эрэгийиэннэрин нөҥүө барар логистическай суоллар ураты оруолу ылаллар диэн Аан дойдутааҕы энергетическэй бэлиитикэ уонна дипломатия институтун профессора Юлия Зворыкина Ленскэй кулууп аналитическай кииҥҥэ санаатын үллэстэр.
Хотугу муора суолун сайыннарыы – Илиҥҥи эрэгийиэннэр инфраструктураларын сайыннарыыга өссө биир төрүөтүнэн буолар.
Итинтэн олус элбэҕи күүтэллэр – ол иһигэр чугастааҕы 10-15 сылларга хайа-металлургическайтан саҕалаан гаас уонна нефтехимическай бөдөҥ бырамыысыланнай кылаастырдар тэриллэллэрэ сабаҕаланар. Ол гынан баран, ыаллыы сытар эрэгийиэннэр логистическай уонна инфраструктурнай кыахтарын кэҥэппэккэ итини сатаан ситиспэккин. Онуоха манна сүрүн оруолу федеральнай киин ылыммыт Өлүөнэ муостатын тутуутун туһунан быһаарыныыта улахан оруолу ылыан сөп.
«Өлүөнэ муостата, бастатан туран, өрөспүүбүлүкэ ис соруктарын быһаарыа, холобур – Хотугу таһаҕаһы тиэйиини. Саха сиригэр тохтобула суох тырааныспар сибээһэ олус суолталаах. Ол эрээри бырайыакка бу муоста наадатын чопчу төрүөтүн быһаарарга сүрүн таһаҕаһы таһыыны бас билээччилэри кытары бииргэ үлэлээн сөбүлэһии оҥоруохха наада. Итиниэхэ тырааныспар салаатын араас көрүҥүн (өрүс флота, тимир суол тырааныспара, массыына) биир кэлим ситимниэххэ сөп. Оччтотугар Хотугу муора суолунан эбии суол арыллыа уонна бырайыак түргэнник толуйуллуо этэ», – диэн эспиэр бэлиэтиир.
Уһук Илин атын эрэгийиэннэрин тута хас да бырамыысыланнай сиэктэрдэрэ дойду экэнэмиичэскэй эргиниитигэр принципиальнай суолтаны ылыахтарын сөп. Итиниэхэ эспиэр фармакологическай салаа сайдыаҕын чорботон бэлиэтиир. Биир өттүнэн, Сибииргэ уонна Уһук Илин бу салааҕа номнуо ситиһиилээх бырайыактар үлэлииллэр, онтон атын өттүнэн ыллахха, фармакология сайдыыта Хоту сир төрүт олохтоох аҕыйах ахсааннаах норуоттара араас эмтээх үүнээйилэри уонна атын даҕаны эмп-томп састаабыгар киирсэр оту-маһы эргиниилэригэр кыаҕы биэриэ диэн сыаналыыр эспиэр.
Өрөспүүбүлүкэ Баһылыга Айсен Николаев Федеральнай Сэбиэккэ чопчу тыа сирин урбаанньыттарын өйөөһүнү кэҥэтии наадатын эппитэ. Ол эрээри, ханнык баҕарар киэҥ далааһыннаах үлэ барарыгар каадыр тиийбэтэ кыһалҕаны үөскэтэр, ол чуолаан Уһук Илин эрэгийиэҥҥэ сытыытык турарынан, боппуруос болҕомтоҕо ылыллыаҕын профессор Юлия Зворыкина этэр.
Үөдүгэй нэһилиэгэр түргэнник ситэр салаанан дьарыктанар дьон ахсаана сыллата эбиллэр. Бүгүн өр сылларга дьиэ көтөрүн…
Профилактическай тэрээһиннэр холбоһуктаах дьаһалларын кэмигэр Өлүөхүмэ оройуонугар ИДьМ учаастактааҕы боломуочунайдара уонна ИДьМ подразделениеларын үлэһиттэрэ арыгы…
Бүгүн, кулун тутар 14 күнүгэр, СӨ Тас сибээстэргэ уонна норуоттар дьыалаларыгар министиэристибэтин кэллиэгийэтин Саха сирин…
ИДьМ 2 №-дээх полициятын дьуһуурунай чааһыгар суотабай төлөпүөнү уорбуттарын туһунан эр киһи сайабылыанньа суруйбут. Эр…
Саха сиригэр анал байыаннай дьайыы кыттыылаахтарын дьоруойдуу быһыыларын үйэтитэр сыаллаах мемориальнай комплекс бырайыагын оҥорууга архитектурнай…
2025 сыл саҕаланыаҕыттан Саха сириттэн 50 массыынаны анал байыаннай дьайыыга тиэртилэр. Тиэхиникэни кытта байыастарга чугас…