Хаартыска: sakhagov.ru
Лоп курдук биир сыллааҕыта Ил Дархан Айсен Николаев Өлүөнэ муостатын тутуу сүрүн үлэтин саҕалаабыта. 2024 сыл алтынньы 17 күнүгэр Өлүөнэ өрүс хаҥас кытылыгар тутуу ыытыллар сиригэр муоста тирэҕин бастакы сыбаайата кутуллубута.
Өлүөнэ муостатыгар 2026 сылга тоҕус саҥа тирэх тутуллара былааннанар. Бу туһунан «Якутия 24» ханаалга «Актуальное интервью» биэриигэ тырааныспар уонна суол хаһаайыстыбатын миниистирэ Владимир Сивцев иһитиннэрдэ.
«Ааспыт сыл устата эбийиэккэ улахан кээмэйдээх үлэ ыытылынна. Бэлэмнэнии үлэтин киэҥ араҥата түмүктэннэ: тутуу сирдэрэ бэлэмнэннилэр, бетон собуоттара туруорулуннулар, өрөмүөннүүр сыбаайаларга арматура килиэккэлэрин оҥоруу тэрилинннэ. Үлэ сыл устата салҕанан барда, ол иһигэр кыһыҥҥы кэмҥэ эмиэ», — диэтэ Владимир Сивцев.
Миниистир күн бүгүҥҥэ диэри 100-тэн тахса сыбаайа үүттэниллибитин уонна кутуллубутун тоһоҕолоото — хаҥас кытылга 70-ча, уҥа өттүгэр 30-ча. Уопсайа 920 сыбаайа уонна 26 тирэх былааннанар. Ойоҕос пилон бастакы коффердама хомуллубут уонна киин пилон иккис коффердамын хомуйуу саҕаланна.
«Бу коффердам тутуу акылаатынан буолар, кэлэр сыл сааһыгар муус барбытын кэннэ ууга түһэрии былааннанар. Бу технология Арассыыйаҕа аан бастаан туһаныллар уонна чуолкай буолары, уустук инженернэй быһаарыылары ирдиир«, — диэн бэлиэтээтэ Владимир Сивцев.
Өлүөнэ муостатын бастакы тирэҕин бетоннааһын түмүктэннэ. Өрүс хаҥас кытылыгар үлэ түмүктэннэ, манна 4 №-дээх тирэх бетоннай тутуулара барыта толору оҥоһулунна.
Сиһилии: https://www.sakha.gov.ru/news/13941
Саха сирин 11 тыһыынчаттан тахса олохтооҕо МАХ национальнай мессенджерга чат-бот нөҥүө «Мин докумуоннарым» киинигэр (МФЦ)…
Олунньу 17 күнүгэр күүтүллэр Күн өлүүтэ Арассыыйа сиригэр-уотугар көстүө суоҕа. Бу туһунан Москватааҕы планетарий пресс-сулууспата…
Ытык Күөлгэ Норуот айымньытын дьиэтигэр улуустааҕы төрөппүттэр түмсүүлэрин тэрийиитинэн "Родные-Любимые" пуорум ыытылынна. Бу пуорум биһиги…
Бүлүү улууһун борокуратуурата 85 саастаах дьахтар кыыһын сайабылыанньатынан аҕам саастаах олорор дьиэҕэ бырааба тутуһуллуутун бэрэбиэркэлээтэ.…
Арассыыйаҕа былырыын иккис ырыынакка кытай массыыналарын атыыта икки төгүл үрдээбитэ бэлиэтэммитэ. Итиниэхэ ордук 2021-2025 сыллардааҕы…
Дьокуускай куорат борокуратуурата 1997 с.т. олохтоох киһиэхэ сыһыаннаах холуобунай дьыалаҕа буруйдуур түмүгү бигэргэттэ диэн Саха…