Хаартыска: Ил Дархан уонна бырабыыталыстыба пресс-сулууспата.
Сааскы халаан Өлүөнэ муостатын тутууга туох да харгыһа суох этэҥҥэ ааста.
Бу туһунан «Якутия 24» ханаалга «Актуальное интервью» биэриигэ «Лена» муоста тутуутун дириэксийэтин дириэктэрэ Артем Артемьев иһитиннэрдэ.
“Муоста сүрүн тирэх тутуута барыта бүтүннүү, алдьаммакка бүтүн хаалла. Уу технологическай хайысхалары таарыйда. Ол эрээри бу түгэн бырайыактааһыҥҥа анаан учуоттаммыта. Уу таһыма намтаатаҕына, киирии суоллары чөлүгэр түһэрии саҕаланыаҕа, ол кэнниттэн тутуу үлэтэ салгыы ыытыллыаҕа”, — диэн бэлиэтээтэ Артем Артемьев. Дириэксийэ салайааччыта бу бырайыагы дойду биир бастыҥ анал үнүстүүтэ «Гипростроймост Санкт-Петербург» оҥорбутун тоһоҕолоон бэлиэтээтэ. Артем Артемьев бырайыагы олоххо киллэрии үс түһүмэҕинэн былааннаммытын аҕынна: тутуу сирин-уотун бэлэмнээһин, муостаны бэйэтин туорааһын уонна уҥа кытылга киириини тутуу, ону тэҥэ хаҥас өрүтүнэн киириини тутуу.
Үс түһүмэххэ барыларыгар бырайыактыыр-сметалыыр докумуоннааһын эрдэттэн оҥоһуллан, судаарыстыбаннай эспэртиисэни ситиһиилээхтик ааспыта. Сүрүн түһүмэх үлэтэ 2024 сыл тохсунньутуттан саҕаламмыта. Бүгүҥҥү күҥҥэ өрүс икки кытылыгар тутуу тэтимнээхтик ыытыллар. Тутууга 200-чэкэ киһи үлэлиир, кинилэртэн аҥара – Саха сирин олохтоохторо.
Сиһилии https://www.sakha.gov.ru/news/5358 сигэнэн билсиҥ.
Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…
Социальнай ситимнэринэн уонна сорох СМИ-нэн балаҕан ыйыгар оскуолалар коронавирус саҥа «Стратус» штамма тарҕаныыта үрдээбититтэн дистанционнай…
Бүгүн, Арассыыйа бэтэринээрин күнүгэр, бэйэлэрин олохторун бэтэринээрийэ салаатыгар анаабыт дьону ахтан-санаан ааһабыт, үлэлии-хамсыы сылдьар исписэлиистэри…
Шахтер күнүн Нерюнгригэ бэлиэтиир күҥҥэ СӨ Ил Дархана Айсен Николаев өрөспүүбүлүкэҕэ чоҕу хостуур бырамыысыланнаһын бэтэрээннэрин…
СӨ салалтатын уонна тус бэйэм ааппыттан эһигини Шахтер күнүнэн ис сүрэхпиттэн эҕэрдэлиибин! Бу күн биһиги…
РФ Социальнай пуондатын 2025 сыллааҕы дааннайдарынан, куоракка олорор дойду олохтоохторун орто биэнсийэлэрин кээмэйэ тыа сирин…