Хаартыска: www.sakha.gov.ru
«Мечел» бөлөххө киирэр «Мечел-Сервис» тимир атыылыыр хампаанньата Саха сиригэр Өлүөнэ өрүһү туоруур саҥа массыына суолун – Өлүөнэ муостатын тутуутугар 150 туонна ыстаал баалкалары тиэйэн аҕалла. Бу туһунан «Мечел-Сервис» ХЭТ иһитиннэрэр.
Өлүөнэ муостата – Арассыыйа Уһук Илинигэр саамай бөдөҥ бырайыактарыттан биирдэстэрэ. Саҥа муоста Дьокуускайы «Лена», «Халыма» уонна «Бүлүү» федеральнай суоллары кытары сылы быһа ситимниэхтээх, оччоҕо эрэгийиэн киинэ дьыл кэмиттэн тутулуга суох суолунан хааччыйыаҕа. Муоста суолун уонна киниэхэ киирии суоллары холбуу аахтаахха 14 км-тэн тахса уһуннаах.
Челябинскэйдээҕи тимир кэмбинээтэ (ПАО «ЧМК», «Мечел» бөлөххө киирэр) оҥорон таһаарар баалката Саха сиригэр тиэллэн кэллэ. Бу баалка тутуу эппиэтинэстээх чаастарын (конструктивнай элеменнэрин) оҥорууга туттуллар. Баалка үйэлээх буолуохтаах, температура хамсыыр, тымныы-итии усулуобуйатыгар тутууларга ирдэнэр бөҕө-таҕа уонна эрэллээх буоларыгар ирдэбиллэригэ толору сөп түбэһэр. Баалкаттан ураты өссө, «Мечел-Сервис» хампаанньа «Ижсталь» собуот («Ижсталь» ААУо «Мечел» бөлөҕөр киирэр) оҥорон таһаарар «катаннай сортовой прокатын» уонна Челябинскэйдээҕи тимир кэмбинээтин оҥорон таһаарар судургу лииһин тиэйэн аҕалла.
«Саха сиригэр маннык улахан, эппиэтинэстээх уонна олус суолталаах тутууга дойду тирэх бырайыактарыгар «Мечел» бородууксуйатын үрдүк хаачыстыбалаахтык тиэйии ирдэнэрин билэр. Саҥа муоста эрэгийиэн кэлэр уон сыла күүскэ сайдарыгар улахан оруолу ылыаҕа диэн эрэнэбин», — диэн «Мечел-Сервис» генеральнай дириэктэрэ Станислав Карпов эттэ.
Олунньу 7 күнүгэр "Чурапчы" айар түмсүү салайааччыта Римма Иннокентьевна Корякина-Хотууна уонна кини кыыһа Сардаана Корякина-Сардаана…
ИДьМ Дьокуускайдааҕы управлениетын наркотик эргиирин хонтуруоллуур отделын үлэһиттэрэ эрэгийиэннэр икки ардыларынааҕы наркокурьер үлэтин тохтоттулар. Суһал-көрдүүр…
Саха сирэ сааскы халааны этэҥҥэ аһарарга анаан күүстээх бэлэмнэнии үлэтин саҕалаата. Туох үлэлэр ыытыллалларын туһунан…
Нерюнгри оройуонун Золотинка бөһүөлэгэр Ил Дархан Айсен Николаев бүгүн, олунньу 10 күнүгэр, Арассыыйа Дьоруойа, Хотугу…
Саха ыалын сиэрэ-туома. Итэҕэл быһыытынан, дьиэ Айыы аартыга аһыллар сиринэн, илин диэкинэн, ааннанар. Дьиэ тутуутун сүрүн…
Нерюнгрига маастар-былаан чэрчитинэн поликлиниканы саҥардан оҥороллор. РФ Бэрэсидьиэнэ Владимир Путин бигэргэппит маастар-былаанын чэрчитинэн, Нерюнгрига улахан…