Хаартыска -- Елена Потоцкая.
Өлүөнэ муостатын тутуу кэмигэр олохтоох дьону үлэҕэ тардыыга ураты болҕомто ууруллар.
Муоста тутуун учаастагар үлэлии сылдьар исписэлиистэри анаан көрсөн кэпсэттим. “ВИС Строй” бөлөх тутууга салайааччыларыттан биирдэстэрэ Михаил Акимов бэлиэтииринэн, Өлүөнэ өрүс икки биэрэгэр үлэ тэтимнээхтик бара турар.
— Бүгүҥҥү күҥҥэ 17 м үрдүктээх, 1300 туонна ыйааһыннаах 10-с коффердамы хомуйа сылдьабыт. Хаҥас биэрэккэ сири дьөлө үүттүүр үлэ бара турар. Уопсайа 26 тирэх оҥоһуллуохтаах. Сүрүн үлэ от ыйыгар саҕаланыаҕа. Онуоха тустаах үлэ биэрэккэ ыытыллар. Онон билиги эппиэттээх үлэ күөстүү оргуйар, — диэн кэпсиир Михаил Акимов.
Олус эппиэттээх, тутаах үлэлээх геодезист Роман Платонов Дьокуускай куораттан сылдьар эбит.
— Геодезистар иккиэбит. Үлэбин саҕалаабытым ый буола илик. Бу билигин истиэнэ холуонналарын кээмэйдии сылдьабыт. Барыта нүөмэринэн араалыллан таҥыллар. Онон ааҕыы-суот бөҕө. Эппиэттээх үлэ, — диэн бэлиэтиир геодезист.
Онон дьоммут-сэргэбит төрөөбүт дойдуларыгар баараҕай тутууга үлэлии сылдьалларын көрөн, кинилэринэн киэн туттуу саҕар.
Хаҥалас улууһун Мохсоҕоллоох бөһүөлэгэр бойобуой дьайыылар, локальнай сэриилэр, байыаннай дьайыы бэтэрээннэригэр анаммыт стела үөрүүлээх быһыыга-майгыга…
Тымныы түһэрин кытта гараастарга баһаар ахсаана элбиир. Аҥардас алтынньы саҕаланыаҕыттан Саха сиригэр 16 уот турбута…
2025 сыл үс кыбаарталын түмүгүнэн энергетиктар өрөспүүбүлүкэ Арбитражнай суутугар 662 мөлүйүөн солкуобайтан тахса суумалаах 502…
Алтынньы 19 күнүгэр Сахабыт сиригэр Ийэ күнэ бэлиэтэнэр. Ийэ күнүн көрсө киин куораппытыгар элбэх кэнсиэртэр…
Өлөөн улууһугар бэҕэһээ бөртөлүөт көтөн, сүппүт табалары булууга көмөлөстө. Бүгүн “Өлөөн” МУП зоотехнига Марина Николаева…
Саха сиригэр дьон үксэ ипэтиэкэ көмөтүнэн дьиэ-уот оҥостор. Соторутааҕыта “Тыа сирин ипэтиэкэтэ” (“Сельская ипотека”) диэн …