sakha.gov.ru
РФ Бырабыыталыстыбатын бэрэссэдээтэлин солбуйааччы Марат Хуснуллин салайар эрэгийиэннэри сайыннарыы хамыыһыйатын ыстаабын президиумун мунньаҕар казначейскай инфраструктура кирэдьиитин бырагырааматын чэрчитинэн, Саха сирин икки бырайыагын бигэргэттилэр.
«Биһиги казначейскай инфраструктура кирэдьиитин үбүн тарҕатыыга систиэмэлээх үлэбитин салгыыбыт. Нижегородскай уобалас, Ямало-Ненецкэй автономнай уокурук, Саха сирин уонна Карелия, уопсайа 19,8 млрд. солк. суумалаах саҥа сайабылыанньаларын бигэргэттибит. Бу эрэгийиэннэр социальнай-экэнэмиичэскэй сайдыыларыгар быһаччы дьайар улахан суолталаах быһаарыылар. Чуолаан, бу бырайыактар араас хайысхалары хабаллар: успуорт, туризм уонна суол инфраструктурата. Бырайыагы олоххо киллэрии улахан өттө эрэгийиэннэр хамаандаларын көдьүүстээх үлэлэриттэн тутулуктаах. Сотору кэминэн олохтоохтор саҥа эбийиэктэри, үчүгэй уларыйыылары көрүөхтээхтэр», — диэн премьер-миниистир бэлиэтээтэ.
Ил Дархан Айсен Николаев ылыллыбыт быһаарыылар өрөспүүбүлүкэҕэ сайдыы сүрүн хамсааһыннарын олоххо киллэрии кэлэр түһүмэҕин бөҕөргөтөллөрүн тоһоҕолоото.
«Өлүөнэ өрүһү туоруур муоста тутуутугар уопсайа 4,7 млрд солк. суумалаах үбү бигэргэттилэр. Муоста «Олох инфраструктурата» национальнай бырайыакка киирэн, өрөспүүбүлүкэ уонна бүтүн дойду тырааныспарын инфраструктуратын сайыннарыыга сүрүн эбийиэгинэн буолар. Иккис бырайыагынан, бастатан туран, Дьокуускай арҕааҥҥы өттүгэр, чуолаан «Спортивнай» түөлбэҕэ энэргиэтикэ, уунан хааччыйыы систиэмэлэрин сайыннарыы буолар. Үбүлээһин суумата — 5,3 млрд. солк. Үп-харчы хомунаалынай инфраструктураны тутууга уонна саҥардыыга туттуллар. Бу 329 000 кв.м иэннээх, элбэх кыбартыыралаах 46 дьиэни тутар уонна 160 хаарбах дьиэни көһөрөр кыах биэриэҕэ», — диэн кини эттэ.
Өрөспүүбүлүкэ баһылыга икки бырайыак Саха сирин агломерациятын сайыннарыы маастар-былааныгар киирэллэрин аҕынна: «Бу – куорат инфраструктуратын саҥардыыга, тырааныспар үлэтин тупсарыыга, олох хаачыстыбатын үрдэтиигэ туһуламмыт кэлим уонна тэтимнээх үлэ».
Казначейскай инфраструктура кирэдьиитэ диэн эрэгийиэннэргэ сүрүн инфраструктураны тутууну түргэтэтэр кыахтаах, уһун болдьохтоох бырабыыталыстыба мэхэньиисимэ буолар. Бу кирэдьииттэр сылга 3 бырыһыаннаах ыстаапканан бэриллэллэр уонна эрэгийиэҥҥэ стратегическай суолталаах бырайыактарга эрэ туһаныллаллар.
Дойду бэрэсидьиэнэ Владимир Путин көҕүлээһининэн, «Олох инфраструктурата» национальнай бырайыак олоххо киирэн эрэр. Бу улахан бырайыак инфраструктураны сайыннарыы, олорорго табыгастаах усулуобуйаны тэрийии, аныгы өҥөлөргө киириини элбэтии көмөтүнэн, дьон олоҕун хаачыстыбатын тупсарарга туһуланар.
Сиһилии: https://www.sakha.gov.ru/news/14693
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…