Өлүөнэ мууһа Нам улууһугар чугаһаата

Өлүөнэ өрүс мууһун аллараа кытыыта Дьокуускай куорат аннынан – Кангаласс тумуһунан бэлиэтэнэр. Муус устан Нам улууһун сиригэр чугаһаата. Ол туһунан СӨ Суһал ыстааба иһитиннэрэр.

Хаҥалас улууһун Кытыл Дьураатыгар уу таһыма түһэн эрэр. Санатан эттэххэ, бэҕэһээ Үөдэй сэлиэнньэтин аннынан харыы тахсан Кытыл Дьураатыгар уу таһыма үрдүү сылдьыбыта.

Оттон муус барыытын иккис долгуна билигин даҕаны Өлүөхүмэ оройуонугар бэлиэтэнэр. Исписэлиистэр этэллэринэн, уу таһымын үрдээһинигэр ол эмиэ сабыдыаллыан сөп.

Алдан өрүс Өлүөнэҕэ таҕыста. Оттон Бүлүү өрүс биир-икки суукканан тахсыа диэн сабаҕыыллар.

Халыма өрүскэ муус алын кытыыта Зырянка куораттан 10 км аллара бэлиэтэнэр. Аэропорт көтөр балаһата ууга барда.