Өлүөнэ мууһа суукка устата 100 км уһунна

Өлүөнэ өрүс мууһа Ленскэй, Өлүөхүмэ, Хаҥалас улуустарынан устар.  

Муус алын кырыыта Хаҥалас улууһун Иһит сэлиэнньэтиттэн 20 км сиргэ баар.  Уу таһыма  1782 см (+32  4 чаас иһигэр эбилиннэ). Бу учаастакка кутталлаах таһым  1992 см. Көмүөл хойуутук устар.   Покровскай – Дьокуускай  — Кангаласс хайысхатынан муус хамсааһына бэлиэтэннэ.

Муус үөһээ кырыыта Ленскэй Туруктатын таһынан баар. Муус сэдэхтик устар.
Өлүөхүмэ куорат таһынан  уу таһыма  864 см (кутталлаах таһым 1060 см), муус хойуутук устар. Өлүөнэ мууһа  627 км сиринэн тайаан устар. Суукка устата  100 км уһунна.