«Өлүөнэ очуостара» айылҕа пааркатыгар 2016 сыллаахха сайын «Моя планета» телеханаал аатырбыт ыытааччыта Андрей Понкратов устар бөлөҕүн арыаллыы сылдьан таарыйан ааспыттаахпын.
Онтон ыла манна сылдьа илик эбиппин. Оччолорго Батамайга биир эрэ улахан мас дьиэ баара. «Хаһан эрэ манна эрэстэрээннээх бэрт кыраһыабай туристическай бааза буолуо…» диэн баҕа санаа курдук ким эрэ этэн ааспыта быһылааҕа да, ол оннук тута умнуллубута. Бу күннэргэ Батамайга эрэстэрээннээх аныгы тутуулаах туристическай баазаны көрөн баран, «бу илэ дуо?» дии санаатым.
Суруналыыстар бөлөхтөрүн түмэ тардан илдьэ кэлбит «Өлүөнэ очуостара» айылҕа пааркатын дириэктэрин солбуйааччы Дмитрий Громов турбаазаны билиһиннэрэн саҕалаата.
Биһигини Сыромятниковтар дьиэ кэргэн тэрийбит турбазаларын киэн туттуутугар — «Панорама» диэн икки мэндиэмэннээх сүүнэ улахан түннүктэрдээх дьиэҕэ аҕаллылар. Иккис этээскэ тахсан, туристар сынньанар хосторун көрүөхтээхпит. Дмитрий Громов кылгастык аныгы технологиянан тутуллубут дьиэлэри билиһиннэрдэ.
«Панорамаҕа» толору хааччыллыылаах хостору киирэн көрдүбүт. Өлүөнэ очуостарын көрбүтүнэн уһуктар хостор — ытык сир олох ураты тыынын биэрэллэр.
«Панорамаҕа» хас биирдии хос аайы туалеттаах, душтаах. Киһи кута-сүрэ тохтуур хосторо.
Бастакы этээс — аһыыр, сынньанар хостор. Иккис этээскэ тахсан утуйаҕын. Аллараа дьиэлэргэ алта киһи холкутук батар эбит .
Суруналыыстар турбааза хаһаайына Владимир Сыромятниковтан бары интэриэһиргиир боппуруостарын ыйыталастылар.
Хосторго киирдэххэ ураты сыттаах, салгыннаах. Ойуурга сылдьар курдук сананаҕын. Тоҕо манныгын менеджер маннык кэпсээтэ:
Туристар баазаҕа хайдах сынньаналларый? Бу туһунан Владимир Сыромятников маннык кэпсиир:
Өлүөнэ очуостарын уун-утары көрөн тутар турбаазаны Сыромятниковтар 2019 сыллаахтан тутан барбыттар.
Аны билигин бу остуоруйаҕа кэпсэнэрин курдук тупсаҕай дьиэлэр сууккатааҕы сыаналарын, үлэһиттэр оҥорор өҥөлөрүн кытта билсиэххэ.
Саха сиригэр кэлбит турист Өлүөнэ очуостарын көрбөккө ааспат. Онон сынньана кэлбит омук туристара Саха сиригэр туризм сайдыытын таһымын бу баазанан сыаналыыллар.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…