“Өлүөнэ очуостарын” фотоловушкаларыгар – аар тайҕа хаһаайыннара

Биһиги хаартыскаҕа түһэрэр тэриллэрбит сэргэх каадырдарынан үөртүлэр: “Өлүөнэ очуостара” национальнай паарка камераларын объективтарыгар уһун ууларыттан арҕахтан тахсыбыт хагдаҥ эһэлэр хабыллыбыттар.

Хагдаҥ эһэлэр хайы-үйэ арҕахтарыттан тахсан, бэйэлэрин сылдьар ыырдарынан ас-үөл көрдөнөр түбүккэ сылдьаллар. Бу национальнай паарка дьиҥнээх олоҕо-дьаһаҕа буолар уонна ураты айылҕабыт баайын көрдөрөр.

Бу тыатааҕылар Дьэкэмдьэ диэн кэрэ айылҕалаах сиргэ сылдьаллар эбит. Маннык кэрэ каадырдары кытта  госиниспиэктэрбит Альберт Герасимов үллэһиннэ.

Биллэн турар, дьиикэй кыыллары кытта айылҕаҕа уун-утары көрсүһүү олус кутталлаах. Ол эрээри уолуйумаҥ! Эһиэхэ куттал суоһаабатын туһугар кыһанабыт. Пааркаҕа сылдьааччылары олус болҕомтолоох буоларгытыгар ыҥырабыт уонна айылҕаҕа, сиргэ-уокка сылдьыы быраабылатын тутуһаргытыгар көрдөһөбүт.

#ЛенскиеСтолбы

@lenapillarsnationalpark