«Өлүөнэ очуостарыгар» игирэлэрдээх тайаҕы көрдүлэр

«Өлүөнэ очуостарыгар» игирэ оҕолордоох тайаҕы кэтээн көрөр камера хаартыскаҕа түһэрбит. Бу туһунан национальнай паарка иһитиннэрэр.

«Тайахтар игирэ оҕолоноллоро — ураты көстүү. Быраабыла быһыытынан, биир оҕо төрөөччү. Игирэ оҕолору сиппит-хоппут, уопуттаах тайахтар төрөтөллөр, ол тайах муудараһын көрдөрөр диэччилэр», — диэн иһитиннэриигэ суруллубут.