«Өлүөнэ очуостарыгар» – оҕолоох тайах

Быйыл сайын «Өлүөнэ очуостара» айылҕа пааркатыгар туруоруллубут камераларга элбэх кыыл хабылынна. Ойуур кыыллара айылҕаҕа сылдьалларын киһи астына-дуоһуйа көрөр.

Бу күннэргэ «Өлүөнэ очуостара» айылҕа пааркатыгар баар Солооһун диэн кэрэ айылҕалаах сиргэ, тайах оҕотун кытары аһыы сылдьалларын камера уһулла.  Тайах оҕото ийэтигэр сыстан эмэ сатыыр түгэнэ көстөр.

«Өлүөнэ очуостара» айылҕа паарката кэрэ айылҕалааҕынан биллэр уонна элбэх кыыл-сүөл, араас харамай көрүҥэ баара мэлдьи болҕомтону тардар.  Камеранан устуу тулалыыр эйгэни харыстааһын эрэ буолбакка, кыыллар айылҕаҕа хайдах сылдьалларын, оҕолорун хайдах иитэллэрин,  харыстаан илдьэ сылдьалларн көрдөрөр.