Сайаана Львова хаартыскалара
Кулун тутар 1 күнүттэн Сахабыт сирин биир саамай кэрэ айылҕалаах ураты харыстанар сирэ — «Өлүөнэ очуостара» национальнай паарка саҥа туристическай сезонун саҕалыа.
Саас кэлэн, халлаан сылыйан, дьон-сэргэ салгыҥҥа сылаанньыйа сынньанар кэрэ кэмэ үүннэ. Ону тэҥэ «Өлүөнэ очуостара» национальнай паарка ыалдьыттары, кэрэ-бэлиэ айылҕатын көрдөрөргө, умнуллубат түгэннэри бэлэхтииргэ бэлэм. Паарка дьаһалтата иһитиннэрбитинэн, быйыл ыалдьыттары очуостарга дабайыы эрэ буолбакка, араас кыһыҥҥы сынньанар аттракционнар күүтэллэр. Урут дьон очуостарга туруору тахсар буолла5ына, саҥардыллыбыт ыллык оҥоһулунна.
Паарка аһыллыыта
Сарсын 12:00 ч. национальнай паарка кыһыҥҥы сезонун аһыы алгыс түһэрэр сиргэ «Алгыс» сиэриттэн-туомуттан саҕаланыа. 12:30 ч. артыыстар кыттыылаах сезону арыйыы сиэрэ-туома буолуоҕа. 13:35 ч. «Саха сирин үһүйээннэрэ» өрөспүүбүлүкэтээҕи муус скульптура бэстибээлэ аһыллыаҕа. Салгыы, күнүс 14:30 мүнүүтэҕэ, ыалдьыттар саҥа экологическай ыллыгынан экскурсияҕа, очуостарга дабайыахтара. Оттон 17:00 ч. ыалдьыттарга көр-нар уонна “Хотугу сир норуоттарын оонньуулара” саҕаланыахтара.
Быйыл туох саҥа киирдэ
Быйылгы сезоҥҥа эппиппит курдук, очуостарга дабайыы ыллыга саҥаттан, 2600 м уһатыллан оҥоһулунна. Өссө биир саҥа сүүрээнинэн академик Никита Соломонов аатынан хайаҕа диэри массыынанан айан суолун оҥоруу буолла. Киэһэ хараҥарыыта бу хайалары аллараттан уотунан сырдаталлар – бу эмиэ ураты көстүү.
Очуос таас тэллэҕэр ыалдьыттарга анаан усулуобуйа оҥоһуллубут: кафелар, сылаас пууннар үлэлииллэр, хаҥкылыырга каток уо.д.а. бэлэмнэммиттэр. Ону таһынан, хайаларга уотунан-күөһүнэн сырдатыылар саҥардыллыбыттар, ол пааркаҕа киэһэлэргэ романтиканы уонна дьиктини эбэр.
Айан суола
«Өлүөнэ очуостара» национальнай паарка Дьокуускай куораттан 190 км ыраах сытар. Киин куорттан «Умнас» айан суолунан, онтон «Батамай – Лабыдьа» кыһыҥҥы суолунан тиийиэххэ сөп. Өрүһүнэн суолу кэҥэтэн, икки өттүттэн анньыбыттар. Онон кыра да массыына сыыдамнык тиийэр буолбут.
Саҥа сезон – саҥа сыана
«Өлүөнэ очуостара» национальнай пааркаҕа киирии 700 солк. Биэнсийэлээхтэргэ уонна 7-17 саастарыгар диэри оҕолорго, элбэх оҕолоох дьиэ кэргэҥҥэ, 3-с группалаах инбэлиит дьоҥҥо 300 солк. Оттон 7-гэр диэри саастаах оҕолорго, 1-кы уонна 2-с группалаах инбэлиииттэргэ, Арассыыйа Дьоруойдарыгар, байыаннай дьайыы кыттыылаахтарыгар уонна кинилэр дьиэ кэргэттэрин чилиэннэригэр киирии босхо.
Чукотка автономнай уокуругар Баимскайдааҕы хайа байытар кэмбинээтин тутуу саҕаланна. Баимскайдааҕы ГОК тутуутун хаамыытын РФ Бырабыыталыстыбатын…
Күн оройо буола оҕуста. Сотору кэминэн улахан оҕолоро оскуолаттан кэлиэхтэрэ. Аҕалара эбиэттии кэлиэ. Бэйи эрэ,…
Ил Дархан Айсен Николаев Аҕа дойду Улуу сэриитин кыттыылааҕар Николай Иванович Афанасьевка "Саха Өрөспүүбүлүкэтин бочуоттаах…
Улуу Кыайыы өрөгөйдөөх күнүгэр Ийэ дойдуларын көҥүлүн күөннэринэн хаххалаан көмүскээбит, итии хааннарын тохпут буойун суруналыыстар…
Бүгүн, муус устар 19 күнүгэр, сарсыарда Уус Алдан улууһун Балыктаах сэлиэнньэтигэр Васильев уулуссатыгар дьиэ умайа…
П.Чайковскай аатырбыт муусукатыгар «Щелкунчик» балеты дьиэ кэргэнинэн сөбүлээн көрөллөр. Оҕолор бу остуоруйа судургу сюжетын ордороллор.…