«Өлүөнэ очуостарыгар» сезон кулун тутар 1 күнүттэн саҕаланыаҕа

Кулун тутар 1 күнүттэн «Өлүөнэ очуостара» национальнай паарка саҥа туристическай сезонун саҕалыаҕа. Ыалдьыттары очуостары дабайыыны таһынан кыһыҥҥы сынньалаҥ, саҥардыллыбыт эко-ыллык күүтэллэр.

Паарка аһыллытыгар алгыс сиэрэ-туома, артыыстар эҕэрдэлэрэ, «Саха сирин номохторо» муус оҥоһуктар бэстибээлин аһыллыыта, экскурсиялар, күүлэй, оонньуу арааһа ыытыллара былааннанар. Итиэннэ академик  Никита Соломонов аатынан очуоска диэри авто-суол саҥа маршрута сүрэхтэниэҕэ.

Ыалдьыттарга анаан кафе, иттэр сир, каток, сыырдар үлэлэхтэрэ. Маны таһынан очуостары тыктарар уоттары саҥардыбыттар.