Өлүөнэ очуостарын диэки сир хамсаата

Бэҕэһээ, кулун тутар 23 күнүгэр, 18:32 чааска Өлүөхүмэ оройуонугар, Өлүөнэ очуостарыттан чугас сиргэ сир хамсаата диэн ФИЦ ЕГС РАН Саха сиринээҕи филиала СИА-ҕа иһитиннэрдэ. Сир хамсааһына 3 бааллаах.

«Бу сотору-сотору буолар кыра сир хамсааһына. Сиинэ үрэххэ бу эмиэ сотору-сотору буолар көстүү», — диэн биэдэмистибэҕэ иһитиннэрбиттэр.

Хамсааһын дириҥэ 15 км тэҥнэспит. Чугастааҕы нэһилиэнньэлээх пууннар олохтоохторо сир хамсаабытын билбиттэр, кырыыһаларыттан хаар түспүтүн бэлиэтииллэр.