«Өлүөнэ» суолга балаакка умайбытыгар эр киһи эмсэҕэлээтэ

Ааспыт сууккаҕа Саха сиригэр икки баһаар тахсыбыта регистрацияламмыт. Өлбүт киһи суох, биир киһи эчэйбит. Бу туһунан муус устар 10 күнүгэр ЫБММ пресс-сулууспатыгар иһитиннэрдилэр.

Эмсэҕэлээбит киһилээх баһаар муус устар 9 күнүгэр Хачыкаат сэлиэнньэтиттэн чугас бэлиэтэммит. «Өлүөнэ» суолга балаакка умайбыт. Уот 12 кв.м. иэннээх сиргэ тарҕаммыт. Баһаарынай подразделение үлэһиттэрэ кэлиэхтэригэр диэри уоту умуруорбуттар. Быһылаан түмүгэр 1988 с.т. эр киһи эмсэҕэлээбит. Баһаар төрүөтэ, буруйдаах уонна хоромньу быһаарыллар.

Өссө биир баһаар Ленскэйгэ Центральнай уулуссаҕа хаһаайыстыбаннай тутууга тахсыбыт. Баһаарынайдар уоту түргэнник умуруорбуттар уонна таһынааҕы эбийиэктэргэ тарҕанарын тохтоппуттар.