Хаартыска: sakha.gov.ru
Саха сирин сүрүн өрүстэригэр хара уу кэлиитэ салҕанар.
Тулалыыр эйгэни кэтээн көрүүгэ уонна гидрометеорологияҕа Саха сиринээҕи управление начаалынньыгын солбуйааччы Вячеслав Шехиров этэринэн, бэс ыйын 4 күнүгэр киин улуустарга, Кэбээйи улууһугар уонна Дьокуускай куорат таһынан Өлүөнэ өрүс уутун таһыма 474 см тэҥнэһэр. Киин куоракка хара уу муҥутаан бэс ыйын 6 күнүгэр кэлэрэ күүтүллэр, ол кэнниттэн уу таһыма түһэн барыа. Кутталлаах бэлиэни аһарара күүтүллүбэт.
Уустук гидрологическай балаһыанньа Уус Маайа улууһугар Алдан өрүскэ билигин да турар. Манна хара уу таһыма көмүөл саҕанааҕы көрдөрүүттэн 4-6 миэтирэнэн үрдүк. Вячеслав Шехиров бэлиэтээбитин курдук, Нерюнгри, Алдан оройуоннарыгар уу кыралаан түһэ турар, ол оннугар Уус Маайа оройуонугар ааспыт сууккаҕа 14-36 см үрдээбит. Сорох нэһилиэнньэлээх пууннарга хайыы-үйэ уу түһэн эрэр: ол курдук Бэлкэчиигэ суукка иһигэр 66 см намтаабыт, Уус Миилгэ уу түһүүтэ сарсыарда 4 чаастан саҕаламмыт. Петропавловскай – Элдьикээн учаастакка хара уу муҥутаан кэлиитэ бэс ыйын 5-6 күннэригэр күүтүллэр, ол кэнниттэн эмиэ сыыйа намтаан барыаҕа.
Бүлүү өрүһэ кыралаан халбаҥнаатар да уутун үрдүк таһымын тутан турар. Марха өрүс хара уута ааһан иһэринэн Ньурба – Үөһээ Бүлүү учаастагар сууккаҕа уу 4-22 см үрдээбитэ көстөр.
Дьааҥы, Индигиир уонна Халыма өрүстэргэ уу араас тэтимнээхтик түһэ турар. Ардах түһэн, кылгас кэмҥэ Дьааҥы уҥа салаатыгар Адыаччыга уу үрдүү сылдьыбыт.
Ону таһынан бэс ыйын 4 күнэ үүнэр түүнүгэр Сааскылаах сэл. аттынан Анаабыр өрүс куруук аһыллар кэмигэр аһылынна.
Билигин Алдан уонна Анаабыр өрүстэр туруктара гидрометсулууспа Саха сиринээҕи управлениетын оһуобай хонтуруолугар тутуллаллар. Исписэлиистэр төгүрүк суукка устата балаһыанньаны ситэриилээх былаас уорганнарыгар уонна РФ ИДьМ Саха сиринээҕи сүрүн управлениетыгар биллэрэ олороллор, диэн иһитиннэрэр СӨ Ил Дарханын уонна бырабыыталыстыбатын пресс-сулууспата.
Нам оройуонугар икки эр киһи ардыларыгар иирсээн тахсыбыт. Түмүгэр биир эр киһи быһаҕынан анньыллан миэстэтигэр…
Дьокуускайга Бааһынай ырыынакка оҕуруот аһын, фрукта сыаналара биллэрдик үрдээбит эбит. Биһиги кэрэспэдьиэммит Бааһынай ырыынака сылдьан…
Бэс ыйын 5 күнүгэр РФ Силиэстийэлиир кэмитиэтин бэрэссэдээтэлэ ВКС эрэсииминэн ыыппыт мунньаҕар Саха сиригэр бэйдиэ…
“Спортивные якутяне” үөрэнээччилэр өрөспүүбүлүкэтээҕи спартакиадаларын түмүктүүр түһүмэҕэр кыттаары өрөспүүбүлүкэ араас муннугуттан 1209 оҕо кэллэ. Бу…
Саха сиригэр бүгүн, бэс ыйын 6 күнүгэр, синоптиктар соҕуруулуу-арҕаа, соҕуруу ардах түһэрин, хотугу оройуоннарынан ардыырын,…
Сулустар тугу кэпсииллэр? Астрологтар туох диэн билгэлииллэр? ХОЙ Барыылаах-кэлиилээх, тэтимнээх нэдиэлэ үүммүт. Арыый уоскуйа түһэр…