Сааскы ылааҥы күннэргэ Уус Алдан улууһун Өлүөнэтээҕи “Доҕордоһуу” история-архитектура заповедник түмэлэ сынньанааччы дьонунан толору.
Аһаҕас халлаан анныгар турар түмэл историко-архитектурнай ансаамбыла кэлбит дьону интэриэһинэй баай эспэнээттэринэн умсугутар. Сааскы ылааҥы күҥҥэ араас тэрээһиннэр быыстала суох ыытылла тураллар.
“Доҕордоһуу” сылтан сыл тупсан иһэрэ харахха быраҕыллар. Ыытыллар үлэ туһунан аһаҕас халлаан анныгар турар Өлүөнэтээҕи түмэл салайааччыта Надежда Новоприезжая бу курдук билиһиннэрэр:
– Быйыл түмэл үс сүрүн эбийиэгин өрөмүөннээтибит. Сааскы кэми көрсө оҕолор баҕаларын учуоттаан, хаарынан уонна мууһунан остуоруйа дьоруойдарын оҥорон бэлэмнээбиппит. Саас итийдэҕинэ, онтон сайын уонна күһүн таһырдьа аһаҕас халлаан анныгар олорон, Ийэ айылҕаны кытта алтыһан аһыырга аналлаах “беседкалары”, дьон сынньанар зонатын туттубут, – диэн саҥа тутуулары кэрийэ сылдьан билиһиннэрдэ салайааччы.
Түмэл сылы эргиччи кэриэтэ үлэлиир. Улахан тымныыларга эрэ тохтоон ылбыттар.
– Саха сириттэн эрэ буолбакка, араас дойдулартан кэлэн, былыргы саха олоҕун-дьаһаҕын кытта билсиэн баҕалаах турист эмиэ үгүс. Сылга 29 тыһыынча киһи кэлэн барар. Судаарыстыбаннай тэрилтэ буоларбыт быһыытынан, элбэх оҕолоох төрөппүттэр 33% чэпчэтиллибит путевканан туһаналлар. Маннык курдук чэпчэтиинэн туһанар дьоммут үгүс. Сынньалаҥнарын туһалаахтык атаарыан баҕалаахтар биһиэхэ дьыл ханнык баҕарар кэмигэр үөрэ-көтө сынньанан бараллар. Быйыл олус тымныы кыһын буолан, урукку курдук олунньу 20 күнүттэн буолбакка, кулун тутар 1 күнүттэн үлэбитин саҕалаабыппыт. Хаарынан уонна мууһунан оҥоһуктары сакаастаан оҥортордубут”, – диэн кэпсиир “Доҕордоһуу” түмэл салайааччыта Надежда Новоприезжая.
Кэлэктиибинэн кэлээччилэр бэйэлэрэ туспа бырагыраамалаах буолаллар эбит. Үлэһиттэрэ кинилэргэ сынньанар сирдэрин булан биэрэллэр. Кэлбит дьон тута аһаҕас халлаан анныгар турар түмэл устун экскурсияҕа сылдьан, бэрт элбэҕи билэллэр-көрөллөр, истэллэр, видеоҕа усталлар, хаартыскаҕа түһэллэр. Түмэл салайааччыта үлэ-хамнас туһунан салгыы маннык билиһиннэрдэ:
– Быйыл өрөспүүбүлүкэтээҕи муус оҥоһуктар күрэхтэрин ыыппыппыт. Сыл аайы тиэмэтин ханнык сыл анаммытынан оҥорор этибит. Биир күн оҕолорум “тоҕо хаар-муус оҥоһуктарга мультиктар суохтарый?” диэн ыйыппыттарыгар, “кырдьык даҕаны, оҕолордоох дьон кэлэллэр эбээт…” дии санаан, быйыл “Чысхаан ыалдьыттара” диэн мультипликационнай киинэлэр дьоруойдарын оҥорторбуппут. Кырачааннарга аналлаах хаар-муус оҥоһуктары Дьулус Марковка сакаастаабыппыт. Быйыл “Хаар, хаар барахсан…” диэн оҕолорго анаммыт оонньуу 23-с сылын ыытыллар.
Мэдиссиинэ национальнай киинин Перинатальнай киинигэр алтынньы 23 күнүгэр ийэлэри уонна аҕыс саҥа төрөөбүт оҕону үөрүүлээхтик…
«ВИС» бөлөх тутааччылара үс тимир ураһаттан биирин туруорар үлэтин түмүктээтилэр. Дьокуускайга үс ураһалар билигин тутулла…
Бу күннэргэ М. Лукачевскай "Триумф" диэн киинэтэ киэҥ араҥаҕа таҕыста. Чулуу бөҕөстөрбүт 1976 сыллааҕы Олимпиадаҕа…
“Б8” акселерационнай бырагыраама Саха сирин уонна Казахстан оонньууну оҥорооччуларын түмтэ. Үс нэдиэлэ устата 35 сайаапка…
Госдуума дьокутаттара иккис уонна үһүс бүтэһиктээх ааҕыыга патогеннай микроорганизмнары контрабанданан дойдуга киллэрии уонна куттал суох…
Дойду Бэрэсидьиэнэ Владимир Путин сорудаҕынан 2025 сыл тохсунньу 1 күнүттэн «Земскэй учуутал» уонна «Земскэй быраас»…