Хаартыска: Елена Черемкина тиксэриитэ.
Ыраах Тымныы полюһугар Өймөкөөҥҥө эмчиттэр бөлөхтөрө хонуктуу сытан дьону көрүөхтэрин-истиэхтэрин туһунан түһээн да көрбөт этилэрэ.
Ситэриилээх былаас отчуотугар олохтоохтор өрүү “арктическай улуустарга быраастар мобильнай биригээдэлэрэ тиийэллэр, оттон тымныытынан аатырар Өймөкөөҥҥө тоҕо биир да биригээдэ кэлбэтий?” диэн туруорсаллара. Онон, бу күннэргэ социальнай ситимнэргэ Өймөкөөн улууһугар үлэлии сылдьар эмчиттэр биригээдэлэригэр махтал тыла бастыҥа ананна. Бу туһунан Төрүт нэһилиэгин Г.А. Кривошапкин аатынан орто оскуола учуутала, улуустааҕы “Хотугу сардаҥа” хаһыат уопсастыбаннай кэрэспэдьиэнэ Елена Черемкина санаатын бу курдук үллэһиннэ:
— Бу күннэргэ араас идэлээх эмчит-исписэлиистэр икки хонук устата доруобуйабыт туругун бэрэбиэркэлээн, сүбэ-ама биэрэн, олус үөрэн олоробут. Киин сиртэн ыраах олорор дьоҥҥо быраастар биригээдэлэрэ анаан кэлэн көрөллөрө, туһалаах дьыала. Үгүспүт үлэ үөһүгэр сылдьар буолан, кэмигэр куоракка баран көрдөрүнэр кыахпыт суох. Кэрэхсэбиллээҕэ баар, уонча хонук устата быраастар улуус нэһилиэктэринэн сылдьыахтара. Ситэриилээх былаас отчуотугар туруорсубут боппуруоспут, кэмигэр тустаах дьоҥҥо тиийэн, эмчиттэр бөлөхтөрө биһиги тэйиччи сытар Төрүппүтүгэр кэлэн барбыттарыгар истиҥ махталбытын тиэрдэбит. Эдэр быраастар суоллара өрүү аһаҕас буоллун, бу курдук үгүс дьону үөрдэ сырыттыннар!
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэтигэр сылы түмүктүүр тэрээһин буолан ааста –…
Кэлиҥҥи сылларга киин куоракка уонна улуустарга уопсастыбаннай сирдэр тупсаҕай оҥоһуулаах буолбуттарын Ил Дархан бүгүҥҥү Ил…
Арассыыйаҕа “Оҕо сүрүн ырыалара” айар бырайыак күүскэ сайдар. Бэрэсидьиэн култуура көҕүлээһиннэригэр пуондатын өйөбүлүнэн Кыайыы мусуойа…