Эмчиттэрбэр махтанабын

Share

Мин кэнникинэн олус ыарытыйар буолан хааллым. Онтум төрүөтэ — 2000 сыллаахха “Арчы” элбэх оҕолоохтор кулууптара, социальнай үлэһиттэр буолан үс Дьоруой ийэни чиэстии, успуорт сааланы көрө Дьаархаҥҥа тахса сылдьан, киэһэ төннөн иһэн массыынабыт халтарыйан, кулахачыйан, ыраахха диэри көтөн баран түһүүбүтүгэр ылбыт эчэйиим. Кэлин олох иэдэтэн, эбиитин сыыһа туттан тобугум эриллибитэ бэһис сылыгар барда.

Сыл аайы биллэ мөлтөөн иһэбин, олох дьиэ киһитэ буоллум, хайдах гынан бэттэх кэлэбин диэн санаалар үүйэ-хаайа тутар буоллулар.

Балыыһа эмин бары сиэтим, туһа суох. Эмчиттэргэ сылдьа сатаатым, ситиһии суоҕун кэриэтэ. Үтүөрэр баҕа баһаам.

2000 сыллааҕы тостуубун үс сыллааҕыта биллим, бэйэтэ билэринэн оһоруммут. Тобук эчэйиитэ хантан оһуой, атын сиргэ сылдьан, өттүкпүн кытта ыарыы бөҕө буолан тиийэн кэллим. Чэ, бэйи, кирэдьиит ылан куоракка бардахха сөп буолсу дии сылдьыбытым. Ол эмчит төлөбүрэ чахчы 100 тыһ., социальнай ситимҥэ каналлаах. Кэнникинэн куораттыыр да кыаҕа суохпун билэн, санаам дэлби түһэн олордохпуна уруккуттан истэр эмчиттэрим, кэргэннии Альбина, Григорий Дарамаевтар дьону эмтии кэлэр биллэриилэрин түбэһэ ааҕан, миигин быыһаайаллар диэн сибээскэ тахсыбытым.

Дьоҥҥо анаан ыыппыт этиилэрин сиһилии ааҕан, бэйэбэр сөптөөх эмчиттэр диэн хаартыскаларын көрө олорон: “Миэхэ көмөлөһүҥ дуу…” — диэн көрдөспүтүм. Урут кэлэн баралларыгар аарыма кырдьаҕас эмчиттэр гына харахпар оҥорон көрөрүм, кырыымчык кыһалҕа онно тириэрдибэтэҕэ.

Онтон бу сырыыга улаханнык ыксааммын уонна хаһан диэммин тиийэн, эмтэнэн баҕа санаабын толорон дууһалыын чэпчээтим. Өбүгэлэр күүстэрин эппинэн хааммынан биллим. Барахсаттар суох эрээри, баалларын итэҕэйдим. Айылҕа дьиктини айарын сөхтүм, дьэ буолар да эбит. Эмчиттэрим киһи быһыытынан ис кэрэлэрин, киэҥ көҕүстэрин, тус кыахтарын сөхтүм. Өрүһүйэр аанньалларга тэҥнээх эбиттэр. Үтүөнү оҥорооччулар Альбина, Григорий Дарамаевтар Кыыс Амма сирин мааны олохтоохторо.  Туһалааҕы оҥорор, үтүөнү үксэтэр, олоххо эрэли үөскэтэр айыы санаалаах дьоммор улаханнык махтанабын. Дьоҥҥо-сэргэҕэ өр кэмҥэ туһалыы туруҥ, үтүөҕүт үйэлэри уҥуордаатын, ааккыт ааттана турдун. Олоххутугар, дьиэ кэргэҥҥитигэр дьолу баҕарабын!

Светлана Янкова, Сунтаар.

Recent Posts

  • Быһылаан
  • Сонуннар

Дьокуускайга 9 суол саахала тахсыбыт, биир киһи эмсэҕэлээбит

От ыйын 9 күнүгэр Дьокуускай куорат сиригэр-уотугар 9 суол саахала бэлиэтэннэ, онтон бииригэр биир киһи…

18 минут ago
  • Сонуннар
  • Уопсастыба

Бүгүҥҥүттэн Саха сиригэр дьэдьэн уонна сугун хомуура саҕаланар

Саха сиригэр сир аһын маассабайдык хомуйуу болдьоҕо бигэргэннэ. Ол курдук, от ыйын 10 күнүттэн хас…

23 минуты ago
  • Быһылаан
  • Сонуннар

Дьуһуурунай борокуруор: Нерюнгригэ дьахтары өлөрбүттэр

Сэрэдэҕэ, от ыйын 9 күнүгэр, Саха сиригэр 5 буруйу оҥоруу тахсыбыта бэлиэтэммит. Бу туһунан СӨ…

54 минуты ago
  • Байыаннай эпэрээссийэ
  • Сонуннар
  • Сүрүн

Ефрейтор Алексей Петров Арассыыйа Дьоруойа үрдүк ааты ылла

«Медведь» позывнойдаах Алексей Петров РФ Бэрэсидьиэнэ Владимир Путин 2025 сыл от ыйын 6 күнүнээҕи Ыйааҕынан…

1 час ago
  • Сонуннар
  • Уопсастыба

Геология миниистирэ Максим Терещенко социальнай ситимнэргэ быһа эпииргэ тахсыаҕа

СӨ Бырамыысыланнас уонна геология миниистирэ Максим Терещенко 2025 сыл от ыйын 10 күнүгэр, чэппиэргэ, СӨ…

1 час ago
  • Интэриэһинэй
  • Сонуннар

Атырдьах ыйын 1 күнүттэн кимнээх биэнсийэлэрэ үрдүөҕэй?

Атырдьах ыйын 1 күнүттэн хас да категориялаах гражданнар биэнсийэлэрэ улаатар, диэн РФ Бырабыыталыстыбатын иһинэн үлэлиир…

1 час ago