Андрей Сорокин хаартыската
Бэс ыйын 22 күнүгэр Ил Дархан Айсен Николаев доруобуйа харыстабылын тэрилтэлэрин салайааччыларын уонна улуус киин балыыһаларын кылаабынай быраастарын кытта көрүстэ. Саҥа кардиососудистай диспансерга буолбут көрсүһүүгэ, балыыһаны салайар үлэһиттэргэ мэдиссиинэ 42 саҥа массыыналарын туттардылар.
Быраастар кэнники биэс сыл иһигэр доруобуйа харыстабылын эйгэтигэр элбэх саҥа эбийиэк үлэҕэ киирбитин бэлиэтээн эттилэр. Саҥа аппаратура, аныгы бастыҥ эмтиир ньымалар олоххо киирэн, нэһилиэнньэни эмтииргэ төһүү күүс буоллулар.
Айсен Николаев өрөспүүбүлүкэҕэ Уон сыллаах доруобуйа декадата биллэриллибитин этэн аһарда:
-Сүрүн сорукпут — дьону-сэргэни харыстааһын, уопсастыба доруобуйатын бөҕөргөтүү буолар. Онон, сүрүн болҕомто эмтиир үлэ бастакы ситимигэр ууруллар. Бөдөҥ мэдиссиинэ эбийиэктэрин тутууну, доруобуйа харыстабылын аныгы инфраструктуратын сайыннарыыны ыытар былаан салҕанан бара турар. Аҥаардас ааспыт сылга эрэ 23 биэлсэр пууннара уонна амбулаториялар үлэҕэ киирдилэр. 2018 сылтан ити курдук 65 эбийиэк үлэҕэ киирдэ. Быйыл Чурапчыга, Хонууга, Ытык Күөлгэ улахан балыыһа комплекстара үлэҕэ киириэхтээхтэр, — диэн кэпсээтэ.
Бүгүн туттарыллыбыт массыыналартан 38 УАЗ “санитарка” улуустардааҕы киин балыыһаларга бэрилиннэ.
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…
Саха сиринээҕи Суһал ыстаап анал байыаннай эпэрээссийэҕэ кыттааччылары наадалаах тэриллэринэн уонна тиэхиньикэнэн хааччыйыыга систиэмэлээх үлэтин…