Саха литературатын илдьитэ «Чолбон» сурунаал кулун тутардааҕы нүөмэригэр:
— Евгений Онегины сахалыы саҥардыбыт поэт Дьуон Дьаҥылы прозаҕа дебюта – «Хотугу хорсуттар» номох. Бу айымньытын өлүөн баар-суоҕа икки хонук эрэ иннинэ суруйбут;
— Наталия Рязанская «Саахар» сэһэнин бастакы чааһыгар аныгы кэм омсолоох көстүүтэ – буллинг ойууланар;
— Хамалҕа «Сэмсэ» кэпсээнигэр оҕолор идэһэ өлөрүүтүн кэмигэр эти уорууга уорбаланаллар…;
— Саргы Куо «Тымныы кыһыммыт – харысхалбыт, кыстык хаарбыт – алгыспыт» поэматыгар тымныы уонна кыстык хаар саха омукка суолтатын анаарар;
— Мария Андреева «Үйэлээх хоһоону айар – дьол…» саҥа хоһоонноро;
— Белорус биллиилээх поэта Евгения Янищиц хоһооннорун норуот поэта Наталья Харлампьева сахалыы саҥарта;
— Россия ойуулуур-дьүһүннүүр академиятын чилиэн-кэриспэндьиэнэ Дьулустаан Бойтунов дьулурҕа сурааһыннарын туһунан Надежда Ильина уочаркатын түмүгэ;
— Документалист-суруйааччы, кыраайы үөрэтээччи, худуоһунньук Егор Дмитриевич Андросов төрөөбүтэ 100 сылынан Гаврил Андросов «Дьөгүөр Ондуруоһап феноменын туһунан үс тыл» анаарыыта;
— Егор Андросов саха былыргытын сэдэх билээччи, сир түннүгэ Миинэ уола Дьөгүөсэ туһунан ыстатыйата;
— Кикбоксиҥҥа ССРС чемпиона Алексей Уваровка Гражданскай сэрии кэннэ эмиграциялаабыт сахалар хаартыскалаах альбомнара хайдах тиксибитэй?;
— Духуобунас академига Мандар Уус оҕо сылдьан суор оҕолорун кытта доҕордоһуутун сэһэргиир;
— Эдэр суруйааччылар өрөспүүбүлүкэтээҕи сүбэ мунньахтарын көрсө бу тэрээһин сөргүтүллүбүтэ 20 сылынан суруйааччылар ахтыылара;
— Литературовед Саргылаана Ноева суруйааччы Уйбаан Нуолур прозатыгар алаас эйгэтин эрэдьиэстиир;
— В.Н. Протодьяконов кэриэһигэр кириитикэҕэ сабыылаах күрэс кыттыылааҕа Лена Романова «Наталия Рязанская кэпсээннэригэр бэлиэтээһиннэрэ»;
— «Оҕоҕун кытта аах» бырайыакка чэрчитинэн Суорун Омоллоон «Хамсыыр-харамай туһунан остуоруйаларын» кэрэхсээҥ.
Күн – сири, «Чолбон» – саханы сырдатар.
«Чолбон» сурунаал
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…