СИА архыыбыттан.
Соторутааҕыта социальнай ситимнэринэн тарҕаммыт видеоттан эбэ аттыгар баар нэһилиэктэр эрэ буолбакка, Ньидьили соботун сөбүлээн сиир өрөспүүбүлүкэ олохтоохторо бары ыксыы быһыытыйбыттара.
Ааспыт күннэргэ норуот дьокутаата Александр Сусоев көҕүлээһининэн Арыктаахха Бүтүн Арассыыйатааҕы балык хаһаайыстыбатын уонна океанографиятын билим-чинчийэр институтун Саха сиринээҕи филиалын салайааччыта Лена Карпова уонна РНА СС Биологическай проблемаларга институт чинчийээччи-инженерэ Михаил Ксенофонтов кэлэннэр олохтоохтору кытта көрсүһүү тэрийдилэр.
Арыктаах нэһилиэгин баһылыга Ангелина Сивцева иһитиннэрбитинэн, сүрүннээн, кэлбит дьон олохтоохтор санааларын истибиттэр.
«Биһиги күөлбүт уута дьылыттан көрөн сороҕор элбиир, сороҕор аччыыр. Эбэттэн тахсар Сиэн үрэҕэр быһыттаахпыт, бу быһыты аһан-сабан, уутун таһымын хонтуруоллуур төһө наадалааҕый, ол күөл балыгар дьайар дуу, суох дуу, о.д.а. ыйытыылар элбэхтэр. Дьон санаата араас, сорохтор күөл балыгын уларыйыыта быһыттан тутулуктаах дииллэр. Быһыт билигин улуус балаансатыгар турар. Олохтоох дьон мелиоративнай үлэлэргэ, күөл уутугар, быһыты тутууга, о.д.а. кыһалҕаларга сыһыаннаах министиэристибэлэр, тэрилтэлэр исписэлиистэрэ кэлэн үлэлиэхтэрин баҕараллар. Итиэннэ бу боппуруоһу дьокутааппыт Александр Сусоев ылсан, быһаччы дьарыктаныа диэн эрэнэ күүтэллэр”, — диэтэ Ангелина Сивцева.
Дьокуускай куорат ДСК оройуонун олохтоохторо оптуобус маршруттара уларыйбытыттан айманаллар. Айманаллара да оруннаах. Олохсуйбут маршруттар кыстыгы…
Билигин кыбартыыраҕа, массыынаҕа, сир учаастагар түһээн төлөбүрэ кэлбитинэн, түөкүттэр саҥа схеманы толкуйдаабыттар. “Госуслугаҕа” тус кэбиниэккэр…
Бүгүн, сэтинньи 14 күнүгэр, “Саха сирин 100 бастыҥ табаара” куонкурус кыайыылаахтарын наҕараадалаатылар. Бу тэрээһин олохтоох…
Таҥас кэллэ да ким иллэҥнээҕинэн муста түһээт, тикпитинэн бараллар. [gallery ids="167582,167583,167584,167585,167586,167587,167588,167590,167591"] Байыаннай дьайыыга сылдьар буойуннарга…
ТХНЧИ научнай үлэһитэ, биология наукатын кандидата Терентий Платонов: “Убаһа этигэр киһиэхэ сыстар паразит суох буоллаҕына,…
Анемодист Софронов-Алампа төрөөбүт күнүгэр "Алампа'' бириэмийэни туттарыы сиэрэ-туома алтыс төгүлүн ыытылынна. Дьоро киэһэ Саха тыйаатырын…