Эмистэр Олоҥхо ыһыаҕын ыалдьыттарын бастакынан көрсөллөр

Бүгүҥҥүттэн Амма улууһугар ыытыллар 17-с Олоҥхо ыһыаҕар барар ыалдьыттар Аммалыыр суолу тутустулар.

Ыалдьыттары бастакынан Эмис нэһилиэгэ көрсөр. Бу күннэргэ эмистэртэн социальнай ситимнэргэ бэрт истиҥ ис хоһоонноох ыҥырыы сурук  тарҕанна: «Күндү ыалдьыт! Эһигини Алгыстаах Амма улууһунан Айанын Аартыгын арыйар Эмис нэһилиэгэр  Айыыһыт түспүт, Уурастыырап суруйааччы  төрөөбүт САППЫЙА алааһыгар («Амма» трассаҕа турар) күүтэбит. 

19 чыыһылаҕа  10.00-22.00 чааска диэри көрсүү, арчылааһын буолар. Алаадьынан, кымыһынан айах тутабыт. Экскурсовод баар буолар.  Атын да кэмҥэ аһаҕас, ыалдьыттар бэйэлэрэ кэлэн көрөллөр. Барыгытын күүтэбит«.

Дьэ, онон, күндү ыалдьыттар, Амма кыраныыссатыгар тиийээт, Эмис нэһилиэгин буллугут да, Күннүк Уурастыырап төрөөбүт Саппыйа алааһыгар турар Эмистээҕи Олоҥхо дьиэтигэр хайаан да сылдьан ааһыҥ.