Эмп атыыланарын суутунан туруорсубуттар

Сорох тыа сирдэригэр эмп атыыламмат диэн олохтоохтор туруорсаллар түгэннэрэ баар. Дьааҥы улууһугар тустаах боппуруос суутунан быһаарыллыбыт.

Дьааҥытааҕы оройуоннар  икки ардыларынааҕы борокуратуура түһэрбит ирдэбилинэн, суут сэлиэнньэлэргэ эмп атыытын тэрийэригэр мэдиссиинэ тэрилтэтин эбээһинэстээбит.

Дьааҥы улууһун 9 нэһилиэнньэлээх пуунугар эмп тэрилтэтэ суоҕа быһаарыллыбыт, маныаха ити сэлиэнньэлэргэ баар быраас амбулаторияларыгар уонна биэлсэр-акушер пууннарыгар мэдиссиинэҕэ туһанарга эмп-том биирдиилээн атыыта тэриллибэт.

Борокуратуура сэлиэнньэлэр мэдиссиинэҕэ тэрилтэлэригэр биирдиилээн эмп атыытын тэрийэллэригэр улуустааҕы киин балыыһаҕа эбээһинэстииргэ суутунан ирдэбил түһэрбит.  Суут борокуруор ирдэбилин кытта сөпсөспүт.

Суут быһаарыытын борокуратуура хонтуруоллуур диэн СӨ Борокуратууратын пресс-сулууспата иһитиннэрэр.