Хаартыска: Саргын Скрябин, СИА.
Аҕа дойду Дьоруойдарын күнүгэр аналлаах тэрээһиннэр быыстала суох буола тураллар. Олортон биирдэстэрэ “Дохсун” спорткомплекска байыаннай эпэрээссийэ кыттыылаахтарыгар уонна бойобуой дьайыылар бэтэрээннэригэр ыытылла турар өрөспүүбүлүкэтээҕи физкултуурунай-спортивнай тэрээһин буолар.
Тэрээһиҥҥэ Хаҥалас, Мэҥэ Хаҥалас, Бүлүү, Чурапчы, Уус Алдан, Горнай, Усуйаана, Муома, Орто Халыма улуустарыттан, Дьокуускайтан уонна кини аттынааҕы бөһүөлэктэртэн 84 кыттааччы остуол тенниһигэр, буулдьанан ытыыга, оҕунан ытыыга, пауэрлифтиҥҥа, армрестлиҥҥа күрэхтэһэ сылдьаллар.
“Аҕа дойду көмүскээччилэрэ” судаарыстыбаннай пуонда Саха сиринээҕи филиалын салайааччытын уопсастыбаннай бырайыактарга солбуйааччыта Симона Томская кэпсииринэн, СӨ спорт министиэристибэтин уонна спорт адаптивнай көрүҥнэргэ киинэ буоланнар хаһыс да төгүлүн күрэхтэһиилэри ыыталлар.
“Бу өрөспүүбүлүкэтээҕи физкултуурунай-спортивнай тэрээһини былырыын бастакытын ыыппыппыт. Саас Уһук Илиҥҥи уокурукка буолбут күрэхтэһиигэ уон уолу илдьэ барбыппыт. Игорь Марсунов, Алексей Антипин, Артем Чкиря түөрт куубагы илдьэ кэлбиттэрэ. Кинилэр үһүөн бу соторутааҕыта Сочига буолбут күрэхтэһиигэ Саха сирин чиэһин көмүскээн кэллилэр. Биир көрүҥҥэ Алексей Антипин 3 м. буолбута. Итинник үс түһүмэхтээх күрэхтэһии буолар. Байыаннай дьайыыттан улаханнык эмсэҕэлээн кэлбит уолаттары паралимпийскай успуорка сыһыарыы пуонда үлэтин биир сүрүн хайысхата буолар, – диэн Симона Симоновна кэпсээтэ.
Бүгүн, ахсынньы 28 күнүгэр, Саха сирин сорох улуустарыгар хаар түһэр, күүстээх тыал түһэр. Саамай дьиктитэ…
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…