ВИДЕО: Эмтиэкэттэн лосьон уоран сууттанар буолла

Билигин маҕаһыынтан эрэ буолбакка, оннооҕор эмтиэкэттэн табаары уораллар  эбит. Дьокуускай куоракка  полицейскайдар эмтиэкэттэн табаары уорбут   дьахтары туттулар. 

Полиция отделын 4-с нүөмэрдээх дьуһуурунай чааһыгар  эмтиэкэ бэрэстэбиитэлиттэн сайабылыанньа киирбит. Ол курдук кимэ биллибэт киһи витринаттан табаары уорбут. Онон 4 тыһ. солк. хоромньу  тахсыбыт.

Суһал-ирдиир үлэ кэмигэр холуобунай ирдэбил үлэһиттэрэ Ньурба улууһуттан төрүттээх  36 саастаах дьахтар буоларын быһаарбыттар.

Быһаарыллыбытынан, дьахтар эмтиэкэҕэ атыылаһааччы курдук киирбит.  Фармацевт  эмп көрдүү барбытыгар  уорбаланааччы  косметическай сириэстибэлэрдээх  долбууртан баттах  лосьонун уорбут.

Билигин дьахтарга РФ Холуобунай кодексын 158 ыст. 1 ч. холуобунай дьыала көбүтүлүннэ.