https://pxhere.com/
Туустаах хаппыысталаах салаат
Киилэ аҥара хортуоппуйу уонна икки устуука сельдерей силиһин тус-туспа буһаран кыра гына кырбанар. Онно 400 грамм туустаах хаппыыстаны, биир эриэппэ луугу эбиллэр. Ыстакаан аҥара үүнээйи арыытын, амсайан көрөн туус, саахар кутуллар уонна булкуйуллар.
Туустаах хаппыысталаах хортуоппуй
Биир киилэ хортуоппуйу хаҕылаан, туустаах ууга буһаран баран куурда түһүллэр. Киилэ аҥара туустаах хаппыыстаны кытары булкуйуллар.
Эттээх, хаппыысталаах щи
400 грамм этинэн миинбуһарыллар. Эт буһар кэмигэр икки эриэппэ луугу, икки моркуобу 1 остолобуой ньуоска томат-пюрены кытары соркуойданар. Синньигэс гына быһыллыбыт сибиэһэй хаппыыстаны эт буһан тахсыан 10-15 мүнүүтэ иннинэ мииҥҥэ кутуллар. Соркуойдаммыт луугу, биир-икки лавровай илииһи, түөртүү гына бысталаммыт икки буспут помидору эбиллэр. Туустанар. Тэриэлкэлэргэ кутуох иннинэ сүөгэй эбиллэр.
Сыырдаах хаппыыста
Дьоҕус хачааны туустаах ууга буһаран баран бысталаан арыынан уҥунуохтаммыт итии хобордооххо кутуллар. Ол үрдүнэн сымыыттаах үүтү кытары кыратык бурдугу, тууһу уонна биэрэһи булкуйан саба кутуллар. Итиэннэ духуопкаҕа уган хойдуор диэри буһарыллар. Хойуннаҕына теркаламмыт сыыры эбии табыгынатыллар.
Сыаҕа соркуойдаммыт брюссельскай хаппыыста
Икки-үс хачаан брюссельскай хаппыыстаны ууга буһарыллар. Сиидэҕэ туруоран уутун сүүрдүллэр. Онтон оргуйа тутар сыалаах хобордооххо кутан тэтэркэй хахтаныар диэри ыһаарыланар. Гарнир бэртээхэйэ бэлэм!
Хаппыысталаах запеканка
Теркаламмыт, кыратык ыгыллыбыт 800 грамм сиикэй хортуоппуйу 300 грамм ныһыллыбыт, буспут хортуоппуйга, 1-2 остолобуой ньуоска бурдукка, биир сымыыкка холбоон булкуйуллар, туустанар. Тимир илииһи (противени) арыынан сотон баран хортуоппуй араҥатын, онтон луугу кытары сыаҕа (хаппахтаан бүтэйдии бүскүтэн) буһарыллыбыт 400 грамм хаппыыста араҥатын, салгыы эмиэ хортуоппуйу кутуллар. Хортуоппуй үөһэ араҥата арыый халыҥ буолуохтаах. Запеканканы биилкэнэн тэһитэ анньыталаан баран духуопкаҕа уган биир чаас устата буһарыллар.
Бүгүн сарсыарда Нерюнгри олохтооҕо аҕам саастаах дьахтар алтыс этээстэн куосканы бырахта. Маны көрөн турбут Чурапчинскай…
Кэлэр нэдиэлэҕэ Саха сирин үгүс олохтоохторо икки эрэ күн үлэлиэхтэрэ. Муус устар 27 күнэ --…
Бырабыыталыстыба бэрэссэдээтэлин солбуйааччы уонна Уһук Илиҥҥи федеральнай уокурукка бэрэсидьиэн боломуочуйалаах бэрэстэбиитэлэ Юрий Трутнев Магадаҥҥа эрэгийиэннэр…
Ааспыт өрөбүллэргэ муус анныгар икки массыына түстэ. Өрүс суолунан сырыы бобуллубутун үрдүнэн, дьон мууһунан айанныырын…
Бэҕэһээ, муус устар 20 күнүгэр, Дьокуускайга Намныыр суол 14-с км биэс массыына кыттыылаах суол саахала…
Ытыктабыллаах өрөспүүбүлүкэ муниципальнай тэриллиилэрин салайааччылара уонна дьокутааттара! Ытыктабыллаах бэтэрээннэр уонна муниципальнай сулууспа үлэһиттэрэ! Саха Өрөспүүбүлүкэтин…