Саха сирин Ил Дархана Айсен Николаев өрөспүүбүлүкэҕэ доруобуйа харыстабылын сайыннарар туһунан страгетическай ыйааҕар эмтиир тэрилтэлэри аныгы мэдиссиинискэй тэриллэринэн хааччыйар суолталааҕын бэлиэтээбитэ.
Мэдиссиинэ эйгэтин модернизациялааһын, киһи бэйэтин доруобуйатыгар кыһаллар усулуобуйатын оҥоруу Ил Дархан өрөспүүбүлүкэҕэ биллэрбит Уон сылын биир дьоһун суолталаах соругунан буолар.
Ол курдук, Онкология өрөспүүбүлүкэтээҕи диспансерын эндоскопия отделениетын тэрилэ эксперт-кылааска киирсэр. Ол эбэтэр, «кутталлаах» искэни эрдэ быһаарар.
2022 сылга диспансер бу отделениетыгар 6 тыһыынча курдук эмтэнээччини чинчийдилэр. Ол түмүгэр үгүс киһиэхэ искэн саҥа сайдан эрэрин уонна искэн тахсыан иннинээҕи туруктааҕын быһаардылар.
Кэнники сылларга диспансер 5 гастроскоп, 4 колоноскоп, 5 бронхоскоп уонна икки ультразвуковой эндоскоп курдук тэриллэринэн сэбилэннэ. Аҥаардас ааспыт сылга уопсайа 3,5 тыһыынча курдук гастроскопия уонна 700-тэн тахса колоноскопия чинчийиилэрин оҥордулар.
Диспансер эндоскопия үрдүк технологиялаах саҥа тэрилэ диагностика хаачыстыбата үрдүүрүгэр тириэртэ, араагы эрдэтээҥҥи түһүмэҕэр быһаарар саҥа кыахтары биэрдэ. Биир сиргэ кылгас кэм иһигэр чопчу процедуралары барыы ыарыыны сөпкө быһаарарга, эмтэниини кэмигэр саҕалыырга уонна эмтэнээччилэр олохторун быыһыырга көмөлөһөр. Чинчийиилэр түмүктэринэн, бэрэбиэркэлэммит дьон 34 % араак ыарыы баара биллибитэ.
«Билигин ас буһарар уорганнарга «кутталлаах» искэн ордук элбэхтик көстөр. Аныгы тэрили туһаныынан, гастрология уонна колоноскопия процедураларын эмтэнээччилэр арыый чэпчэкитик аһарар буоллулар. Ону таһынан, чинчийии кэмигэр 1 сантиметртан кыра искэни тута ылан быраҕабыт уонна уорбаланар учаастактарга биопсияны оҥоробут», —– диэн эндоскопия отделениетын сэбиэдиссэйэ, Н.Н.Блохин аатынан Онкология НМИЦ эндоскопияҕа килиниичэскэй отделениетын бүтэрбит, Арассыыйаҕа уонна Соҕуруу Кореяҕа Онкология сүрүннүүр кииннэригэр стажировкаламмыт Иван Яковлев кэпсээтэ.
Манна даҕатан эттэххэ, М.К.Аммосов аатынан ХИФУ Мэдиссиинэҕэ институтун онкология кафедратыгар «Эндоскопист-быраастар биопсия ылалларыгар бырактыычаскай үөрэҕи тэрийии» куурус бырагыраамата оҥоһуллан бигэргэннэ. Бу бырагыраама көмөтүнэн эндоскопия чинчийиилэрин кэмигэр «кутталлаах» искэннэри эрдэ быһаарыы хаачыстыбата тупсуоҕа.
Ыам ыйын 11 күнүгэр «Саханефтегазсбыт» АУо Усть-Кут куоракка «Петр Бекетов» бастакы суудунаҕа уматыгы тиэйэн, Ленскэй…
Саха режиссердара Степан Бурнашев уонна Дмитрий Давыдов Каннатааҕы бэстибээл чэрчитинэн ыытыллар Producers Network бырагыраамаҕа кыттыахтара.…
От ыйын 4-5 күннэригэр Нерюнгри оройуонугар аан бастаан өрөспүүбүлүкэтээҕи Олоҥхо Ыһыаҕа ыытыллыаҕа. Суолталаах тэрээһин "Ытык…
Саха сиригэр бэс ыйын 8 күнүттэн үгэскэ кубулуйбут «Северное сияние» саахымакка улахан бэстибээл саҕаланар. Ону…
Бүгүн Ньурба улууһун иһитиннэрэр-биллэрэр тиһиктэрин үлэһиттэрэ улуус салалтатын кытта көрсөн, олоҕу-дьаһаҕы сырдатыы үлэтин сүбэлэстилэр. Бу…
Быйыл Саха сиригэр 4500 устудьуон этэрээтин байыастарын үлэнэн хааччыллыахтара. Кинилэр тутууга, иитиигэ, тыа хаһаайыстыбатыгар, өҥө…