“Энергетик” байыаннай-патриотическай лааҕырга
![](https://sakha-sire.ru/wp-content/uploads/2024/07/keskil-keskil-keskil-1060x596.jpg)
Сайын саҕаланыыта мин оҕо доруобуйатын чэбдигирдэр «Энергетик» лааҕырга сынньаммытым.
Бу лааҕыр куорат таһыгар, Покровскайдыыр суолга баар. Ойуур иһигэр турар. Манна мин хаһыс да сынньаныым, арай, быйыл лааҕырга уларыйыылар киирбиттэр. «Энергетик» аны байыаннай-патриотическай лааҕыр буолбут. «ВОИН» байыаннай-спортивнай бэлэмнэнии киинэ бу лааҕырга сыһыарыллыбыт. Онон биһиги дьарыкка, илиниэйкэҕэ кэтэрбитигэр байыаннай таҥас-сап биэрдилэр. Өссө «ВОИН» кыра сэмэй бэлэхтээх.
Сарсыардабыт сэрээккэттэн саҕаланар, салгыы илиниэйкэлиибит. Онно этэрээттэр хамандыырдара рапордыыллар. Бары РФ уонна СӨ Өрөгөйүн ырыатыгар турабыт. Ол кэнниттэн күннээҕи былааны билиһиннэрэллэр. Күҥҥэ икки занятиелаахпыт. Онно байыаннай, мэдиссиинискэй бэлэмнэниини ааһабыт.
Киэһээтин оонньуу, күрэс арааһа ыытыллар. Холобур, патриотическай ырыа күрэһэ, остуоруйа киэһээтэ, о.д.а.
Биһиги элбэххэ үөрэнибит, элбэх доҕоттордоннубут, астына сынньанныбыт. Өссө күммүтүн сөпкө аттара үөрэннибит.
«Энергетик» мин сөбүлээн сынньанар сирим.
Айсена Брызгалова,
1 №-дээх оскуола 8 кылааһын үөрэнээччитэ,
Дьокуускай.
Сиһилии https://keskil14.ru/strong-energetik-teper-voenno-patrioticheskij-strong/
Сообщить об опечатке
Текст, который будет отправлен нашим редакторам: