Энергетик утаҕы атыылаабыт буруйдаах улахан суумалаах ыстараапка тардыллыаҕа

Госдуума дьокутааттара сокуоннай саастарын ситэ илик оҕолорго энергетик утахтары атыылааһын иһин эппиэтинэһи олохтуур сокуон барылын иккис уонна үһүс бүтэһиктээх ааҕыыга ылыннылар.

«Биһиги сүрүн сорукпут — оҕолорбутун көмүскээһин. Доруобуйаҕа буортулаах бородууксуйаттан харыстааһын», — диэн Госдуума бэрэссэдээтэлэ Вячеслав Володин бэйэтин ТГ-ханаалыгар суруйар.

Сокуон барылынан, сокуоннай саастарын ситэ илик оҕолор го энергетик утахтары атыылаабыт буруйдаах 50 тыһыынча солк. диэри ыстарааптанар, дуоһунастаах сирэйдэр — 200 тыһ. солк., юридическай сирэйдэр — 500 тыһ. солк.

Атыыһыт оҕо сааһыгар саарбахтыыр буоллаҕына, туоһулуур докумуоннары көрдүөхтээх, диэн дьокутааттар быһаараллар.

«Бу утахтар оҕо доруобуйатыгар буортулаахтара биллэр — сүрэх-тымыр ыарыыларыгар, саахарынай диабетка тиэрдэллэр. Маннык утахтары иһии кэнниттэн балыыһаҕа киирбит түбэлтэлэр кытары бааллар», — диэн Вячеслав Володин бэлиэтээтэ.