Балаҕан ыйын 26 күнүгэр Арассыыйатааҕы энергетика нэдиэлэтигэр биир тутаах сиэссийэҕэ Саха сирин баһылыга Айсен Николаев аан дойдуга бастакы дьоҕус кыамталаах атомнай ыстаансыйаны тутуу уонна энергия саҥардыллар источниктарын саҥа көдьүүстээх генерациятын тэрийии туһунан кэпсээтэ.
Икки бырайыак киинтэн тэйиччи тутуллаллар уонна өрөспүүбүлүкэ тэйиччи сытар сирдэрин-уоттарын уотунан бигэтик хааччыйыахтара.
Саҥа тииптэх атомнай ыстаансыйа “Росатомы” кытта Усуйаана оройуонугар Саха сирин Бырабыыталыстыбатын кытта сөбүлэһиигэ олоҕуран Күчүс кыһыл көмүс баайдаах сири уотунан хааччыйыыга тутуллар. Бу эбийиэк энергетика саҥа национальнай бырайыагар киирдэ.
“Саха сирэ билигин түргэнник сайдар эрэгийиэннэртэн биирдэстэринэн буолар. Биллэн турар, салгыы сайдарбытыгар уотунан бигэ хааччыллыылаах буолуу ирдэнэр. Билигин “Росатомы” кытта Арктикаҕа сытар Усуйаана оройуонун Уус Куйга бөһүөлэгэр маннык атомнай ыстаансыйа тутуллар. Ыстаансыйа Күчүс баайдаах сири уотунан хааччыйыаҕа. Бу биһиэхэ тустаах сири-уоту уонунан эрэ сылларга буолбакка, сүүс да сылга сайдыыбытын түстүүргэ туһуланар”, — диэн Айсен Николаев бэлиэтээтэ.
ВИЭ-генерациялары туһанан тутуллар гибриднэй ыстаансыйалар өрөспүүбүлүкэ “Русгидроны” кытта 72 нэһилиэнньэлээх пууҥҥа сөбүлэһиитигэр олоҕуран тутуллаллар, Арктика улуустарын киллэрэн туран. Хайыы үйэ уонтан тахсата үлэлээтэ.
“Биһиэхэ “Русгидроны” кытта 72 ыстаансыйаны тутууга бырайыактаахпыт. Төһө да уустугун иһин, сыл ахсын хастыы да ыстаансыйаны үлэҕэ киллэрэбит, ол дизельнэй оттугу кэмчилииргэ көмөлөһөр – сорох бырайыактарга 30-тан 40 бырыһыаҥҥа диэри. Биллэн турар, биһиги курдук уустук суоллаах-иистээх, оттук сыаната ыарахан дойдутугар, маннык бырайыактары олоххо киллэрии экология кыһалҕаларын сэргэ экэниэмикэ соруктарын быһаарарга эмиэ көмөлөһөллөр. Олох саҥалыы технологическай төрүккэ маннык бырайыактары олоххо киллэрии Арктикабыт киэҥ сирин-уотун көхтөөхтүк сайыннарарбытыгар туһалыаҕа”, — диэн тоһоҕолоон бэлиэтээтэ Саха сирин баһылыга тыл этиитин түмүктүүрүгэр.
Сиэссийэҕэ Росатом” ГК генеральнай дириэктэрэ Алексей Лихачев, РФ энергетикатын миниистирин бастакы солбуйааччы Павел Сорокин, Венгрияттан, Узбекистантан, Египеттэн, Малиттан, Мьянмыттан туһааннаах салаа салайааччылара кытыннылар.
Санаттахха, Арассыыйатааҕы энергетика нэдиэлэтэ – экэниэмикэ энергетикаҕа сектора көрсөр сүрүн кыһалҕаларын быһаарыы.
Норуоттар икки ардыларынааҕы пуорум чэрчитинэн Айсен Николаев Госсэбиэт “Энергетика” хамыыһыйатын мунньаҕын ыытыаҕа, ону кини РФ Бэрэсидьиэнин быһаарыытынан бу сылтан салайар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Кэлиҥҥи сылларга Саха сиригэр информационнай-телекоммуникационнай технологиялары (ИТТ) туһанан буруйу оҥоруу ахсаана элбээтэ. Өрөспүүбүлүкэ олохтоохторо дистанционнай…
Арассыыйа Үөрэхтээһиҥҥэ министиэристибэтэ 1250 учууталы 200 000 суумалаах харчынан бириэмийэлээтэ. Кинилэр ортолоругар Саха сирин 9…
Бүгүн, атырдьах ыйын 30 күнүгэр, өрөспүүбүлүкэ хотугулуу-арҕаа, киин өттүгэр кыралаан ардыаҕа. Арҕаа, соҕуруу сорох сиринэн…
Бүгүн, атырдьах ыйын 30 күнүгэр, Дьокуускайга 100 км сүүрүүгэ Арассыыйа чөмпүйэнээтэ саҕаланна. Старт сарсыарда 7…
Бу күн Кыыс бэлиэтигэр, оттон Ый Охчут бэлиэтигэр киириэхтэрэ. Ол аата биһигиттэн чуолкай буолуу ирдэниэ, ол эрээри…
Саха сиригэр Беларусь өрөспүүбүлүкэтиттэн тырааныспар-логистическай сибээһи сайыннарыы бырайыагын чэрчитинэн тимир суол саҥа маршрутунан бастакы таһаҕастар…