Энергетиктэр «Сунтаар — Ньурба — Үөһээ Бүлүү -Бүлүү» үрдүк күүрүүлээх ситимҥэ улахан хапытаалынай өрөмүөнү саҕалаатылар

Кулун тутар бүтүүтүттэн муус устар ортотугар диэри «Якутскэнерго арҕааҥҥы электрическэй ситимнэр» энергетиктэрэ «Сунтаар — Ньурба — Үөһээ Бүлүү — Бүлүү»  400 км кэриҥэ уһуннаах уот ситимин хапытаалынай өрөмүөнүн ыытыахтара. Онон кулун тутар 24-31 күннэригэр сарсыарда 9:00 чаастан киэһэ 20:00 чааска диэри кэккэ нэһилиэктэринэн уоту араарыахтара:

Сунтаар оройуонугар: Күндэйэ, Элгээйи, Хоро, Толоон, Кутана, Күүкэй, Шея, Түбэй-Дьаархан, Түбэй- Дьаархан, Ыгыатта Элгээн уч.;

Ньурба оройуонугар: Дьаархан, Маар, Марха, Киров, Акана, Чкалов, Хаҥалас, Үөдэй, Дьиикимдэ, Өҥөлдьө, Чуукаар, Малдьаҕар, Маалыкай, Хатыы, Хорула, Күндээдэ, Араҥастаах. Кылгас кэмҥэ биир чааска уоту араарыахтара: Ньурба куоракка уонна Антоновка сэлиэнньэҕэ, Ньурбачааҥҥа, Чаппаҥдаҕа;

Үөһээ Бүлүү оройуонугар: Липпэ-Атах, Маай, Далыр, Кырыкый, Сайылык, Харбалаах, Быччаҥдаан, Кулуһуннаах, Ботулуу, Көтөрдөөх, Баҕадьа, Хоро, Дүллүкү, Хомустаах, Тамалакаан, Күл, Оргүөт, Быракаан, Куду.

Бүлүү оройуонугар: Сосновка, Чочу, Сатаҕай, Кирово, Балаҕаччы, Чинэкэ, Өкүндү, Бөтүҥ, Тааһаҕар, Хампа, Эбэ, Чай, Тыымпы, Күндэ, Сыдыбыл, Күүлэкээн, Уһун, Күбэйиндэ, Тоҕус;

Кэбээйи оройуонугар: Сайылык, Арыылаах, Мастаах, Баҕадьа.

«Уот ситимин хапытаалынай өрөмүөнүн чэрчитинэн 69 П быһыылаах баҕаналары уонна 11 АП быһыылаах баҕаналары 20 км уһуннаах учаастактарыгар улахан үлэ ыытыллыаҕа», — диэн быһаарда РЭС кылаабынай инженерэ Жигжит Доржиев, диэн ОДьКХ министиэристибэин пресс-сулууспата суруйар.