“Энэргиэтикэ” хайысхатыгар РФ Судаарыстыбаннай сэбиэтин хамыыһыйатын мунньаҕар сыллааҕы үлэ сүрүн соругун быһаардылар

“Энэргиэтикэ” хайысхатыгар РФ Судаарыстыбаннай сэбиэтин хамыыһыйатын бастакы мунньаҕар ааспыт сыл түмүгүн таһаардылар уонна 2026 сыллааҕы үлэ былаанын бигэргэттилэр. Ырытыһыы сүрүн тиэмэтинэн национальнай экэниэмикэ энергетическэй күүһүн үрдэтиигэ стратегическай көрүү буолла. Мунньах Москваҕа, хамыыһыйа салайааччыта, Ил Дархан Айсен Николаев салайыытынан барда.

Былырыын хамыыһыйа уот хаһаайыстыбатын ситимин саҥардыыттан, эрэгийиэннэри гаастааһынтан уонна газомоторнай уматык ырыынагын сайыннарыыттан саҕалаан, оттук-энергетическэй комплексын каадырынан хааччыйыыга тиийэ киэҥ хабааннаах боппуруостары көрөр 13 мунньаҕы ыыппыт. Таас чох салаатын өйүүр миэрэлэри киллэрэн туран, хамыыһыйа кэккэ көҕүлээһиннэрэ  номнуо нуорма аакталарыгар, дойду үрдүкү салалтатын сорудахтарыгар киирбиттэр.

Хамыыһыйа чилиэннэрин этиилэрэ учуоттанан,  2026 сыллааҕы үлэ былаана дойду Энэргиэтикэҕэ министиэристибэтигэр сөбүлэһиини ааспыт.

Хамыыһыйа салайааччыта бэлиэтээбитинэн, 2019 сыллааҕы таһымы кытта тэҥнээтэххэ, 2035 сылга уоту туһаныы валовай бородууксуйата 35% түһүөхтээх диэн судаарыстыбаннай бырагыраамаҕа көрүллэр.  “Экэниэмикэбит күөн күрэстэһиитигэр быһаччы дьайар буолан  тустаах тиэмэ дойду таһымыгар да уонна бүддьүөт үбүн кэмчилээһин эрэ буолбакка,  хомунаалынай өҥөҕө дьон ороскуотун аччатар, нэһилиэнньэ олоҕун хаачыстыбатын тупсарар буолан эрэгийиэннэргэ эмиэ суолталаах” – диэн Айсен Николаев бэлиэтээтэ.

Бу туһунан Ил Дархан уонна Бырабыыталыстыба пресс-сулууспата суруйар. Сиһилии манна ааҕыҥ.